Yesu Kristo aliambia wanafunzi wake hivi: “Muache mwangaza wenu uangaze mbele ya watu, ili waone matendo yenu ya muzuri na wamutukuze Baba yenu wa mbinguni.” (Matayo 5:16) Ili kufanya vile, tunatumia muzuri teknolojia ya sasa, kama vile Enternete. Ku site yetu ya Enternete, jw.org, unaweza kupata habari juu ya mambo yenye Mashahidi wa Yehova wanaamini na juu ya kazi yao. Ni habari gani zenye utapata ku site hiyo?

Majibu ya Biblia juu ya maulizo yenye watu wanazoea kuuliza. Unaweza kupata majibu ya maulizo fulani ya maana sana yenye watu wanajiulizaka. Kwa mufano, trakte Kuko Siku Mateso Itaisha? na Watu Wenye Wamekufa Wanaweza Kuishi Tena? zinapatikana kwenye Enternete mu luga zaidi ya 900. Unaweza pia kupata Tafsiri ya Ulimwengu Mupya mu luga zaidi ya 170 na vichapo mbalimbali vya kusaidia kujifunza Biblia. Kwa mufano, unaweza kupata kitabu Biblia Inatufundisha Nini? na magazeti ya sasa ya Munara wa Mulinzi na Amuka! Unaweza kusoma ao kusikiliza vichapo mingi kati ya vile vichapo ku site yetu ya Enternete. Ao unaweza kuvichukua mu format yenye watu wengi wanatumia sana kama vile MP3, PDF, ao EPUB. Unaweza hata kuchapishia mutu mwenye kupendezwa kurasa fulani za kichapo fulani mu luga yake! Video za vichapo zinapatikana pia mu luga za mingi za ishara. Unaweza kuchukua usomaji wa Biblia wenye kuchezwa, michezo yenye kutegemea Biblia, na nyimbo za muzuri zenye unaweza kusikiliza wakati uko unapumuzika.

Habari za kweli juu ya Mashahidi wa Yehova. Ku site yetu ya Enternete kuko habari na video za hivi karibuni juu ya kazi yetu ya mu dunia yote, mambo yenye kufikia Mashahidi wa Yehova, na kazi yetu ya kutoa misaada wakati wa misiba. Tena ku site yetu, unaweza kupata habari juu ya mikusanyiko ya wakati wenye kuja na adresi na namba za telefone za biro zetu za tawi.

Kupitia site yetu ya Enternete, tunaangaza mwangaza wa kweli mupaka sehemu za mbali zaidi za dunia. Inasaidia watu wa kila inchi, hata watu wa Antaktiki. Tunasali ili “neno la Yehova liendelee kuenea haraka” mu dunia yote, kwa ajili ya utukufu wake.​—2 Watesalonike 3:1.

• Namna gani site yetu jw.org inasaidia watu wengi wajifunze kweli ya Biblia?

• Ungependa kutafuta habari gani ku site yetu ya Enternete?