Yesu a byele vadjondzisiwa va yena a ku: ‘Kuvonakala ka n’wina aku voningele vanhu hi mukhuva wolowo, swaku vata vona mintirho ya n’wina leyosaseka, vadzunisa Tatana wa n’wina lweyi anga matilweni.’ (Matewu 5:16) Leswaku leswo swi koteka, hiyi tirhisa kahle tekinolojiya ya manguva lawa kupatsa ni interneti. A site ya hina ya jw.org i ndhawu ya le nawini leyi unga kumaka leswi Timboni ta Yehovha ti kholwaka ka swona ni mintirho leyi tiyi yendlaka. Kuna yini ka site leyi?

Tinhlamulu ta Bibele ta swivutiso leswi talaka kuvutisiwa. Unga kuma tinhlamulu ta swivutiso swa lisima swinene leswi vanhu va kutala vaswi yendlaka. Hi xikombiso, a xiphephana lexinge Xana Kuhlupheka Kutahela? ni lexinge Xana Lavafeke Vangatlhela Vahanya Hakunene? swa kumeka ka site ya hina hi tirimi leti tlulaka 900. Nakambe unga tlhela u kuma Bibele la Tradução do Novo Mundo hi tirimi ta kutlula 160 ni mabuku man’wana lamangaku pfunaka kutwisisa Bibele ya kufana ni lelinge: Hinga Djondza Yini ka Bibele? ni marevhixta ya swoswi nyana ya Murindzi ni Khindlimuka! Mabuku yamanyingi unga yendla hi kuma yingisela ka interneti kumbe kuma baxara hi MP3, PDF, kumbe EPUB. Unga imprimira ni rungula la kukarhi swaku u nyika munhu lweyi a tsakelaka hi lirimi la yena! Nakambe, unga kuma mabuku lama yendliweke hi ndlela ya mavhidiyo hi tirimi ta mavoko ta kutlula 90. Unga baxara ni madrama ya Bibele ya kuyingisela, ya kuhlalela ni mamuzika ya kutsakisa lawa ungama yingiselaka loko u li kuhungateni.

Marungula ya ntiyiso hi Timboni ta Yehovha. Ka site ya hina kutlhela kupetiwa mahungu, mavhidiyo lama kombisaka ntirho wa hina lowu yendliwaka misaveni hinkwayu, swiyendlakalo leswi khumbaka Timboni ta Yehovha ni minzamu leyi hiyi yendlaka swaku hi pfunisa lomu kuhumeleleke timhangu. Unga tlhela u kuma marungula lama vulavulaka hi makongresu lama taka ni ndlela ya kuvulavula ni mabetele ya hina.

Hi ndlela leyo, hi kota kuyendla swaku livoningo la ntiyiso li voninga kuya fikela ni le tindhawini ta kule swinene ta misava. Vanhu va matiko hinkwawu vata pfuneka kupatsa ni vanhu va le Antártida. Hi khongelela swaku ‘rito la Hosi [Yehovha, NM] li hangalaka hi kuhantlisa’ amisaveni hinkwayu, swaku kudzunisiwa Xikwembu. — 2 Vatesalonika 3:1.

• A site la hina la jw.org liva pfunisa kuyini vanhu swaku va djondza ntiyiso wa Bibele?

• I yini leswi u navelaka kuswi kambisisa ka site la hina la interneti?