Yesu akagambira abahondezi be ati: “Omusana gwanyu nukwo gwakege guti omu maiso gabantu, barole engeso zanyu ezisemire, nukwo bakugize Isinywe ali omu iguru.” (Matayo 5:16) Kusobora kuhikiriza kinu, twekonyeza enkurakurana omu tekinologiya, otwaliremu na intaneeti. Omukura gwaitu omutongole jw.org nuho osanga ebikwatiraine n’enyikiriza hamu n’emirimo y’Abakaiso ba Yahwe. Bintu ki ebindi ebiroho?

Eby’okugarukamu omu bikaguzo abantu abarukukira obwingi ebi bekaguza. N’osobora kutunga eby’okugarukamu omu bikaguzo ebirukukira obukuru omuntu eby’arukusobora kwekaguza. Nkʼekyokurorraho, turakiti Okubonabona kulihwaho? hamu na Mali abafu baligaruka kuba boomeezi? ziri ha mukura gwaitu omu ndimi ezirukuhingura omu 600. N’osobora n’okusangaho empindura ya Baibuli eya New World Translation omu ndimi 130, n’ebitabu ebindi biingi ebikonyera omuntu kwetegereza Baibuli nka, Baibuli Etwegesa Ki?, n’obutabu Watchtower na Awake! obwakaturuka. Biingi ha bitabu binu bisobora kusomwa, n’okuhulirizibwa ha mukura rundi bisobora kwihwaho omu mulingo gwa MP3, PDF rundi EPUB. Obutusanga abantu abarukubaza endimi ezitutarukumanya, tusobora kubaihira eby’okusoma ha mukura gwaitu omu ndimi zaabu. Vidiyo z’abafu b’amatu omu ndimi zaabu ez’enyahukana nazo ziroho. N’osobora kwihaho emizaano ya Baibuli, n’ebizina ebirungi muno eby’okuhuliriza omu bwire bwawe.

Ebintu ebirukukwata hali Abakaiso ba Yahwe. Ha mukura gwaitu osobora kusangaho amahu’re amahyaka agarukukwata ha mirimo y’Abakaiso ba Yahwe omu ensi yoona. Osangaho n’ebirukukwata ha nso’rokano enkooto n’endagirro za ofiisi zaitu.

Tukozesa omulingo gunu kuleka omusana gw’amananu kwaka n’omu bicweka by’ensi ebyahara muno. Amakuru amarungi gasoboire kuhika ha bantu omu bicweka by’ensi byoona, otwaliremu n’abo abali omu bicweka bya Antarctica. Okusaba kwaitu kuli nti ekigambo kya Yahwe kyeyongere kuhika ha bantu omu nsi yoona omu bwangu.—2 Abasesalonika 3:1.

• Omukura jw.org gusobozesiize guta abantu baingi kwega amananu?

• Biki ebi wakugondeze kuseruliriza ha mukura gwaitu?