Иисус өөреникчилеринге: «Ачылыг ажыл-херээңер көзүлзүн база улус Дээрде Адаңарны алдаржытсын дээш, силерниң чырыыңар улус мурнунга база ынчалдыр чырызын» — деп чугаалаан (Матфей 5:16). Бөгүн алыс шынның чырыы амгы үениң технологияларының дузазы-биле база чырып турар. Оларның санынче Интернет кирип турар. Бистиң интернет-курлавырывыс — Иегованың Херечилериниң өөредиглериниң болгаш ажыл-чорудулгазының дугайында билип ап болур официалдыг үндезин-дир. Оон чүнү тып ап болурул?

Улустуң болганчок салыр айтырыгларынга библейжи харыылар. Кижилерни дүвүредип турар чугула айтырыгларның харыызын тып ап болур силер. Чижээ, «Хилинчек-човалаңның төнчүзү кээр бе?» болгаш «Өлген улус катап чурттаар бе?» деп буклеттер 600 ажыг дылда электроннуг хевирде бар. Оон ыңай бистиң интернет-курлавырывыста 130 ажыг дылда «Чаа делегейниң очулгазын», Библияны өөренирде ажыглаар дептерлерни болгаш ай санында үнер брошюраларны киирип каан. Ол дептерлерниң хөй кезиин онлайнга номчуп азы дыңнап, ол ышкаш MP3, PDF, EPUB хевирлеринге киирип ап болур. Харын-даа сонуургалдыг кижиге ооң төрээн дылынга безин каш арынны үндүр парлап берип болур силер! Дыка хөй имнээр дылдарда видеоүндүрүлгелер база бар. Библияның уран-чечен номчулгазын, библейжи шиилерни болгаш хостуг үеде дыңнаар чараш аялгаларны киирип ап болур.

Иегованың Херечилериниң дугайында шынга дүгжүр информация. Интернет-курлавырда сөөлгү медээлерни, аңгы-аңгы чурттарда ажыл-чорудулгавыстың дугайында видеороликтерни, ол ышкаш гуманитарлыг дузаны канчаар чедирип турарывыстың дугайында дыңнадыгларны киирип каан. Оон аңгыда удавас болур шуулганнарның дугайында информацияны база янзы-бүрү чурттарда салбырларывыстың адрестерин оон тып ап болур.

Амгы үениң технологияларының ачызында алыс шынның чырыы черниң ырак-ырак булуңнарынга чедип турар. Шупту диптерде чурттап турар кижилерде, безин Антарктидада, библейжи өөредиглер-биле таныжып алыр арга тыптып келген. Бистер «Дээрги-Чаяакчының медээзи оккуру-биле» бүдүн делегейге нептереп, Бурганны алдаржыдар кылдыр мөргүп турар бис (2 Фессалоникчилерге 3:1).

• Интернет-курлавырывыс библейжи алыс шынны кижилерге билип алырынга канчаар дузалап турарыл?

• Интернет-курлавырывыстан чүнү билип алыксаар-дыр силер?