Иисус вераз аслаз дышетскисьёсызлы: «Озьы ик тӥляд но югытты адямиос азьын мед пиштоз, тӥлесьтыд ӟеч ужъёстэс мед адӟозы но Инмысь Атайдэс мед данъялозы» (Матфей 5:16). Туннэ зэмлыклэн югытэз озьы ик туала техника удысысь азинсконъёслы луыса пиштэ, кылсярысь, Интернетлы луыса. Милям сайтамы Иеговалэн Адӟись-Ивортӥсьёсызлэн осконзы но ужзы сярысь нимлыко ивортодэт сётӥське. Мар отысь шедьтыны луоз?

Ӵем сётъяськись юанъёслы Библиысь валэктонъёс. Тӥ шедьтыны быгатоды валэктонъёс кулэ луись юанъёслы, кудъёсыз адямиосты тунсыкъяськыто. Со юанъёс пӧлысь куатез эскерисько «Потэ-а зэмлыкез тодэмды?» буклетын, кудӥз сайтамы 400-лэсь тросгес кылъёсын вань. Милям сайтамы озьы ик вань «Выль дуннелэн берыктэмез» 100-лэсь тросгес кылъёсын, Библиез дышетон пособиос но толэзьлы быдэ потӥсь брошюраос. Троссэ та публикациос пӧлысь луэ лыдӟыны но кылзыны сайтын, нош озьы ик скачать карыны аудиоформатъёсын, PDF яке EPUB форматъёсын. Со сяна, тӥ тунсыкъяськись адямилы мае ке солэн вордскем кылыныз печатланы быгатӥськоды! Тросэз жестовой кылъёсын видеопубликациос вань. Луоз скачать карыны Библиез чеберлыко лыдӟонэз, библейской постановкаосты но шутэтскон понна чебер гуръёсты.

Иеговалэн Адӟись-Ивортӥсьёсыз сярысь зэмлыко ивортодэт. Сайтын интыямын выль иворъёс но видеороликъёс милям ужмы сярысь пӧртэм шаеръёсын, нош озьы ик ивор со сярысь, кызьы ми шимучыръёсы сюремъёслы юрттӥськомы. Со сяна, отысь вуоно конгрессъёс сярысь тодыны но пӧртэм шаеръёсысь филиалъёсмылэсь адресъёссэс шедьтыны луоз.

Туала техника удысысь азинсконъёслы луыса, зэмлыклэн югытэз тужгес но кыдёкысь шаеръёсы но вуэ. Вань ярмуосысь, озьы ик Антарктидаысь но, адямиослэн луонлыксы кылдӥз Библиысь дышетонъёсын тодматскыны. Ми вӧсяськиськомы, быдэс дунне вылын «Кузё-Инмарлэн Ӟеч Иворез... ӝог мед вӧлмоз» шуыса, Инмарез данъян понна (2 Фессалоникаослы 3:1).

• Кызьы сайтмы юрттэ адямиослы Библиысь зэмлыкез тодыны?

• Мар тӥляд тодэмды потэ милям сайтысьтымы?