AKO 28
Kotea ʼAe ʼe Feala Ke Maʼu ʼi Tamatou Tuʼasila ʼi Te Neti?
Falani
Pologne
Lusia
Neʼe ui fenei e Sesu Kilisito ki tana kau tisipulo: “Ke mu tokotou malama ia muʼa ʼo te hahaʼi, ke natou sisio ai ki ʼakotou gaue lelei pea mo natou fakakololiaʼi ai takotou Tamai ʼae ʼe ʼi selo.” (Mateo 5:
Te ʼu tali Fakatohi-tapu ki te ʼu fehuʼi mahani ʼa te hahaʼi. ʼE feala ke ke maʼu ni tali ki te ʼu fehuʼi maʼuhiga ʼae ʼe tautau fai e te hahaʼi. Ohage la ko te kiʼi pepa lotu ʼE Gata Anai Koa Te Mamahi? mo te kiʼi pepa lotu ʼE Feala Moʼoni Koa Ke Toe Maʼuli Ake He Mate?, kua maʼu ʼi te Neti ia lea ʼe 600 tupu. ʼE feala ke ke maʼu ai ia te Tohi-Tapu Fakaliliu ʼo Te Malama Foʼou ia lea ʼe 130 tupu, pea mo te ʼu tohi ako Tohi-Tapu, ʼe kau ki ai te tohi Koteā ʼAē ʼe Akoʼi Moʼoni Mai ʼi Te Tohi-Tapu? pea mo te ʼu nusipepa fakamuli ʼo Te Tule Leʼo pea mo te Réveillez-vous ! ʼE feala hau lau mo fakalogo ia te ʼu tohi ʼaia ʼi te Neti, peʼe ko tona toʼo mai ai ʼi te format MP3, PDF, peʼe ko te EPUB. ʼE feala pe hau toho ni pasina moʼo fakaha age ki he tahi ʼe ina fia lau ʼi tana lea! ʼE maʼu ai ni ʼata maʼa te kau tuli ʼi he ʼu tuʼuga lea. ʼE feala hau toʼo mai ai ni fakamatala Fakatohi-tapu, mo ni ʼata Fakatohi-tapu pea mo he ʼu musika maliē.
Te ʼu logo moʼoni ʼo ʼuhiga mo te kau Fakamoʼoni ʼa Sehova. ʼE toe ʼai ki ai te ʼu logo mo te ʼu ʼata fakamuli ʼo ʼuhiga mo tamatou gaue fakamalamanei, mo te ʼu aluʼaga ʼae ʼe tau mo te kau Fakamoʼoni ʼa Sehova pea mo ʼamatou tokoni ki te ʼu gaue haofaki maʼuli. ʼE feala ke ke maʼu ai ni logo ʼo ʼuhiga mo te ʼu fakatahi lalahi ʼae ka hoa mai pea mo te ʼu tuʼasila ʼo te ʼu pilo ʼo ʼomatou filiale.
ʼAki te ʼu meʼa fuli ʼaia, ʼe matou fakamu ai ia te malama ʼo te moʼoni ʼo kaku ki te ʼu potu taupotu ʼo te kele. ʼE maʼu tapuakina ai ia te ʼu hahaʼi mai te ʼu fenua kehekehe ʼo kau ki ai ia te ʼu fenua taupotu ʼae ʼe momoko ʼaupito ohage ko te Antarctique. ʼE matou faikole ke “mafola vave te folafola ʼa Sehova” ki te kele katoa, moʼo fakakololiaʼi te ʼAtua.
-
ʼE tokoni feafeaʼi ia te jw.org ke lahi age ia te hahaʼi ʼae ʼe natou ako ia te moʼoni Fakatohi-tapu?
-
Kotea ʼae ka ke fia vakaʼi anai ʼi tamatou tuʼasila ʼi te Neti?