Yesu Klistu ŵasalile ŵakulijiganya ŵakwe kuti: “Mlosye lilanguka lyenu pameso pa ŵandu, mwakuti agawone masengo genu gambone ni kwacimbicisya nago Atati ŵenu ŵakwinani.” (Matayo 5:16) Pakusaka kuti yeleyi yikombolece, tukusakamulicisya masengo yakupanganyapanganya ya moŵa agano, kupwatikapo Intaneti. Webusayiti jetu ja www.pr418.com, jili malo ga pa Intaneti gampaka gakamucisye kumanyilila yikulupi ni masengo ga Mboni sya Yehofa. Ana pakusasimanikwa cici?

Kwanga kwakutyocela m’Baibulo kwa mawusyo gakusawusya ŵandu ndaŵi syejinji. Komboleka kupatapo kwanga kwa mawusyo gakusosekwa mnope gaŵele mkuwusya ŵandu. Mawusyo gane gakwana 6 kwanga kwakwe kukusimanikwa mu kapepala kakuti Ana Akusaka Kumanyilila Yisyesyene? kakakusimanikwa pa Webusayiti jetu mu yiŵeceto ciŵandika 400. Kombolekasoni kusimanapo Baibulo la Dziko Latsopano m’yiŵeceto yejinji, soni mabuku gane gakukamulicisya masengo pakulijiganya Baibulo, kupwatikapo buku jakuti, Kodi Baibulo Limaphunzitsa Chiyani Kwenikweni? Soni makope gasambano ga Sanja ja Mlonda ni Ajimuce! Yejinji mwa yindu yeleyi komboleka kuyipikanila kapena kuyilolela papopo, kombolekasoni kupatapo ngani syampaka apikanile, kapena kusipulinta. Kombolekasoni kupulinta mapeji gakuŵalanjika ni kumpa mundu jwakusaka kumanyilila yejinji mu ciŵeceto cakwe! Mafidiyo gapalisoni mu yiŵeceto ya makono yejinji. Komboleka kujigalapo yindu yakupikanila mpela kuŵalanga Baibulo mwaseŵelo, maseŵelo ga Baibulo, soni nyimbo syambone kuti apikanileje pandaŵi jakusangalala.

Yisyesyene yakwe pakwamba ya Mboni sya Yehofa. Pakusaŵaposoni ngani ni mafidiyo ga ngani syasigambile kutendekwa kwene, gakwamba ya masengo getu ga pacilambo cosope, yayikwatendecela ŵa Mboni sya Yehofa, soni masengo gakwakamucisya ŵandu ŵakulagasika ni ngosi. Komboleka kusimanaposoni yimanyisyo ya misongano jacijitendekwe m’bujo, soni ma adilesi ga maofesi ga nyambi.

Mwakutenda yeleyi, tukusalosya lilanguka lyetu lya usyesyene kwa ŵandu ŵakutama mikuli jakutalicila mnope ja pacilambo capasi. Ŵandu ŵakutyocela m’mikuli josope ja pacilambo, kupwatikapo m’mkuli wakusisima mnope wawuli kwakutalicila mnope wa Antarctica, akukolasoni yindu yamboneyi. Liŵeje lipopelo lyetu kuti “maloŵe ga Yehofa gajenele mwacitemape ni mwakupunda” pacilambo cosope kuti Mlungu apocelele lumbili.—2 Atesalonika 3:1.

• Ana webusayiti jetu ja www.pr418.com jikwakamucisya catuli ŵandu kulijiganya usyesyene wa m’Baibulo?

• Ana wawojo akusaka kuwungunya cici pa webusayiti jetu?