Yesu wuvova kudi minlongoki miandi ti: “Diawu bika kiezila kieno kilezimina vovo vadi batu muingi bamona mavanga meno mamboti ayi muingi bakembisa Dise dieno didi ku diyilu.” (Matayi 5:16) Diawu, tulembo sadila diela di phila muphila mu bilumbu biabi, ayi buba mu Internet. Site yeto jw.org yawu buangu koko lenda muena mu Internet mambu momo tueta wilukila ayi bisalu bieto. Mambu mbi lenda mona mu site beni e?

Mimvutu mi Bibila mu biuvu biobi bieta yuvulu kuwombo. Lenda baka mimvutu mu biuvu biobi bi mfunu batu beta kiyuvusa. Mu kifuani, trakti Okosepela koyeba solo? yo yidi mu Internet mu zimbembo viokila 400, yimvutula mimvutu mu biuvu bisambanu bi phila yina. Mawu mona diaka Biblia Mbangudulu yi Nza yi Mpa [Libongoli ya Mokili ya Sika] mu zimbembo viokila 100 ayi minkanda minkaka mieta tubila Bibila, mu kifuani nkanda Biblia eteyeka mpenza nini? [Mbi Bibila kieta toma longa?] ayi zizulunalo Nzo yi Nkengidi [Linɔ́ngi ya Mosɛnzɛli] ayi Lamuká! ziozi zi mona. Lenda tanga ku wombo minkanda beni voti kumi wa mu Internet, voti lenda bimisa miawu mu phila yi wa, yi PDF, voti yi EPUB. Lenda bimisa masolo mankaka mu phapi mu diambu wuvana mutu mu mbembo andi! Yidi ayi minkanda minkaka bametula mu video mu zimbembo zi muphila muphila zi mababa. Lenda bimisa drame yi tanga Bibila voti yinkaka, ayi miziki mi kitoko mio lenda wa mu thangu yo tidi.

Mambu mankaka matedi Zimbangi zi Yehova. Mawu mona zitsangu zi mona ayi zivideo zitadidi kisalu kieto mu nza yimvimba, ayi mambu momo meta kuizila Zimbangi zi Yehova, ayi lusadusu lolo tueta vana baphangi bobo babuilukulu mabienga. Lenda baka diaka zitsangu ziozi zitadidi zikhutukunu zieto zinkuiza, ayi ziadresi, ayi zinimero zi telefone zi Zibiro zi filiale.

Mamoso momo malembo tusadisa tulezimisa kiezila ki Bibila tii mu tsuka ntoto. Batu ba zitsi zioso, ayi bobo badi ku Antarctique, balembo baki mambote. Tulembo sambila ti phova yi Yehova “yimuangana mu nsualu” mu ntoto wumvimba, mu nkembo wu Nzambi.—2 Tesalonika 3:1.

• Phila mbi site yeto jw.org yilembo sadisila batu bawombo balonguka kiedika ki Bibila?

• Mambu mbi lenda mona kini zaba mu site yeto yi Internet?