Salamat sa pagtao nin panahon sa pagsiyasat kan brosyur na ini tanganing magin pamilyar sa Mga Saksi ni Jehova, makanood sa aktibidad mi, asin mahiling kun paano nagpupunsionar an organisasyon mi. Linalaoman mi na nakatabang ini sa saimo na mamidbid kami bilang an naggigibo ngonyan kan kabotan ni Jehova. Dinadagka mi ika na padagos na magkua nin kaaraman dapit sa Dios, sabihon sa iba pang kapamilya asin katood an manongod sa nanonodan mo, saka regular na makiasosyar sa mga pagtiripon mi.—Hebreo 10:23-25.

Mahihiling mo na mientras na mas dakol an nanonodan mo dapit ki Jehova, mas mapapatunayan mo kun gurano man nanggad kadakula an pagkamoot nia sa saimo. Huli kaiyan, mapapahiro ka na gibohon an pinakamakakaya tanganing ipahiling man an pagkamoot mo sa saiya. (1 Juan 4:8-10, 19) Pero, paano mo ikakapahiling an pagmawot na iyan sa aroaldaw na pamumuhay? Taano ta para nanggad sa ikakarahay mo an pagsunod sa mga pamantayan nia sa moral? Asin ano an makakatabang sa saimo na gibohon an kabotan nin Dios kaiba mi? Maoogma an nagtotokdo sa saimo na ipakipag-olay an mga simbag tanganing ika asin an pamilya mo ‘magdanay sa pagkamoot nin Dios [na nasa isip an] buhay na daing katapusan.’—Judas 21.

Maogma mi ikang dinadagka na ipadagos an saimong pag-oswag sa dalan nin katotoohan paagi sa pag-adal kan sunod na publikasyon na . . . “Magdanay Kamo sa Pagkamoot nin Dios.”