Nou lé di ou mèrsi paské ou pran tan byen gadé sa ti liv-a pou anprann konnèt nou ké nou òrganizasyon pi byen. Nou ka èspéré ki sa liv-a idé ou wè ki a nou ki ka fè volonté Bondjé. Nou ka ankourajé ou kontinyé anprann konnèt Bondjé, kontinyé palé ou fanmi ké ou zanmi di sa ou ka anprann épi alé chak simenn annan nou réinyon-yan (Hébreux 10:23-25).

Pi ou ké konnèt Jéova, pi ou ké wè kouman i kontan ou. Sa ké bay ou anvi fè tousa ou pouvé pou kontan l’ ou menm osi (1 Jean 4:8-10, 19). Mé kouman ou pouvé montré touléjou ki a sa ou lé ? Poukisa i bon pou ou swiv so prensip-ya ? Kisa ki ka bay ou anvi fè sa Bondjé lé ansanm ké nou ? Moun-an ki ka anprann ou Labib-a ké kontan idé ou trouvé répons asou sa késyon-yan, konsa ou ké ou fanmi ké pouvé « rété annan lanmou Bondjé » toupannan nou ka antann gen « lavi pou tout tan-an » (Jude 21).

A ké tchò kontan nou ka envité ou étidyé sa liv-a : Restez dans l’amour de Dieu, pou ou kontinyé maché asou chimen lavérité-a.