ˈˈDhuɛ- nɔnˈˈ ˈmʋn ye ˈsɛɛ nɛn ˈdhii ˈcɩan ye Zoova aˈ -Bobhlaʋn- jhibho- -kajɔɔnka, dhɩ -aa nʋan -e -ka dhɩ nʋan kpɔ ˈˈɩ-deesʋn ˈdhe -aaˈ -glibha- ˈdhi ɛ, yɩ jhibho-. -A ˈsɛ-! -Ka -a nɩan ɲʋn -an nʋan Zoova aˈ -glʋˈdɩ ˈzɩan an, ɛgwɛ ɛ po -ʋn sʋn bho ˈmɛn yɩ jhibho-. -Aa poɛ -ʋn ˈkpɩ -ˈye Ɲɔnsoa aˈ jhibhɛ ˈcɩaan ˈˈjhriɛ ˈˈdu. Dhɩ -man -ˈcɩaan an, -ˈtmʋn ɩanˈ dɩ ˈdhe -manˈ ˈˈgbuzɔncɛ -e -manˈ -jhbhɛɛʋn bho. Mun ɲɔnsoagbu ˈdhi jheejhee.—Eble 10:23-25.

-Ka -man muan Zoova jhibho- ɛ, ˈkamɔn- -ka ɔ kman -manˈ dɩ ˈjɛɛn- ɛn, -man muɛn ˈjhe-. Ɛɛ muɛn -ʋn ˈkpɩ ˈˈɲɩn- -ˈye -manˈ ˈˈjɛ i-kuu -wɛeˈ -ka kman ɔɔˈ dɩ -ke ɛ, -ˈyeɛ -to. (1 Zan 4:8-10, 19) ˈKlaa -ka kman Ɲɔnsoa aˈ dɩ ɛ, -kawɛ- -ˈbhɛɛˈ -ˈyeɛ -to ˈdhe -manˈ ˈkmʋn ˈdhi -ɛ? -Bho -man sa ˈe ɔɔˈ ˈtee ˈdhi naan anˈ, dhɛjɛɛn- -wɛ -ˈbhɛɛ -ˈye ˈo ˈjhee- -ɛ? -Ɛɛ mun -ʋn ˈkpɩ ˈˈɲɩn- -wɛeˈ -ˈye ˈe -a ˈˈklun ˈkpa -nɩn -a -ˈye Ɲɔnsoa aˈ -glʋˈdɩ nʋn -ɛn? Ɲɔn -ɔn tɔɔan mʋn Biiblʋ ɛ, ɔ ˈbhɛɛˈ ɔ ˈye -ʋn bho ˈkpa -ˈye ideedɩ- -ˈnɩn anˈ ˈdhezaaˈ ˈjhe ˈˈdhe mɔn -e -manˈ ˈˈgbuzɔncɛ -e, ‘aʋ ˈye ˈe Ɲɔnsoa aˈ ɲʋndɩkmaan ˈdhii -de -wɛeˈ aʋ ˈye ˈkmʋn sea -gwɛ da ˈbhle ˈjhe.’—Zudɩ 21.

-Aa poɛ -ʋn ˈkpɩ -ˈye ˈe tɔˈdɩ ˈdhi -naan ɲan kpa. -ˈMɛn -ˈcɩan ˈsɛɛ- “ Gardez-vous dans l’amour de Dieu ”.