Cabota kwaamba ayi mwabelenga buloshuwa iyi alimwi yamucafwa kushiba Bakamboni Bakwe Yehova anciito nshetusebensa alimwi ambotushisebensa. Ilyeelete kwaamba ayi yamucafwa kushiba ayi Bakamboni Bakwe Yehova mbobatoocita kuyanda kwakwe Lesa munshiku shino. Twamuyuminisha kwaamba ayi mwiindilishe kwiiya pali Lesa, akwaambilaako beshikamukowa banu alimwi ababyaanu nshemutokwiiya, akunoosa kumabungano esu lyoonse.​—Bene Ebulu 10:23-25.

Na mwashiba shiinji pali Yehova, ndyeshi mukabone ayi ulimusuni abuumbi. Ici cilaakumucafwa kusuna kucita shintu shitondesha ayi amwebo mulimusuni. (1 Joni 4:8-10, 19) Ono ino nciinshi ncomweelete kunoocita kwaamba ayi muboneshe ayi mulimusuni? Ino ngumulandunshi ncintu cibotu kunyumfwila milawo yakwe? Alimwi ino nciinshi ceshi cikamucafwe kucita kuyanda kwakwe Lesa bweenka mbuli ndiswe? Beshikumwiisha Baibo banu balaakumucafwa kucana shikumbulo kumiipusho iyi kwaamba ayi mwebo amukwashi wanu “mutolelele kukala mulusuno lwakwe Lesa, . . . ndyemutolindila buumi butamaani.”​—Judi 21, NWT.

Kwaamba ayi mwiindilishe kuya panembo munshila yalushinisho, amutalike kwiiya libuku lya Mbomukonzya Kukkala Muluyando lwa Leza.