ທ່ານເຕັມໃຈເຮັດຕາມໃຈປະສົງຂອງພະເຢໂຫວາບໍ?
ຂໍຂອບໃຈທີ່ທ່ານໃຊ້ເວລາສຶກສາຈຸນລະສານນີ້ເພື່ອຮຽນຮູ້ກ່ຽວກັບພະຍານພະເຢໂຫວາ ວຽກງານຂອງພວກເຮົາ ແລະເຫັນອົງການຂອງພວກເຮົາໃນພາກປະຕິບັດ. ພວກເຮົາຫວັງເປັນຢ່າງຍິ່ງວ່າຈຸນລະສານນີ້ໄດ້ຊ່ວຍທ່ານໃຫ້ລະບຸວ່າພວກເຮົາແມ່ນຜູ້ຄົນທີ່ກຳລັງເຮັດຕາມໃຈປະສົງຂອງພະເຢໂຫວາໃນທຸກວັນນີ້. ພວກເຮົາຂໍສະໜັບສະໜູນທ່ານໃຫ້ຮັບເອົາຄວາມຮູ້ກ່ຽວກັບພະເຢໂຫວາຕໍ່ ໆ ໄປ ບອກຄອບຄົວແລະໝູ່ເພື່ອນກ່ຽວກັບສິ່ງທີ່ທ່ານກຳລັງຮຽນຮູ້ ແລະຄົບຫາສະມາຄົມເປັນປະຈຳກັບພວກເຮົາຢູ່ການປະຊຸມຕ່າງ ໆ ຂອງຄລິດສະຕຽນ.—ເຫບເລີ 10:23-25
ແຮ່ງທ່ານຮຽນຮູ້ກ່ຽວກັບພະເຢໂຫວາຫຼາຍເທົ່າໃດ ທ່ານແຮ່ງຈະເຫັນວ່າພະອົງຮັກທ່ານຢ່າງແທ້ຈິງ. ຈາກນັ້ນ ທ່ານຈະຖືກກະຕຸ້ນໃຫ້ເຮັດທຸກສິ່ງທີ່ທ່ານເຮັດໄດ້ເພື່ອສະແດງຄວາມຮັກຂອງທ່ານຕໍ່ພະອົງເປັນການຕອບແທນ. (1 ໂຢຮັນ 4:8-10, 19) ແຕ່ທ່ານຈະສະແດງອອກແນວໃດວ່າທ່ານຮັກພະເຢໂຫວາໃນວິທີທີ່ທ່ານໃຊ້ຊີວິດ? ເປັນຫຍັງການປະຕິບັດຕາມມາດຕະຖານດ້ານສິລະທຳຂອງພະອົງຈຶ່ງເປັນປະໂຫຍດສຳລັບທ່ານ? ແລະສິ່ງໃດຈະຊ່ວຍທ່ານໃຫ້ຕ້ອງການເຮັດຕາມໃຈປະສົງຂອງພະເຢໂຫວາຄຽງບ່າຄຽງໄຫຼ່ກັບພວກເຮົາ? ຜູ້ສອນຄຳພີໄບເບິນໃຫ້ທ່ານຍິນດີທີ່ຈະຊອກຫາຄຳຕອບກັບທ່ານເພື່ອທີ່ທ່ານແລະຄອບຄົວຈະສາມາດ “ຮັກສາຕົວໄວ້ໃນຄວາມຮັກຂອງພະເຈົ້າ . . . [ພ້ອມທັງ] ໄດ້ຊີວິດອັນຕະຫຼອດໄປເປັນນິດ.”—ຢູເດ 21
ພວກເຮົາຂໍເຊີນທ່ານດ້ວຍຄວາມອົບອຸ່ນໃຈໃຫ້ເຮັດຄວາມກ້າວໜ້າຕໍ່ ໆ ໄປໃນທາງແຫ່ງຄວາມຈິງໂດຍສຶກສາປຶ້ມຕໍ່ໄປນີ້ . . . “ຈົ່ງຮັກສາຕົວໄວ້ໃນຄວາມຮັກຂອງພະເຈົ້າ”
ເລື່ອງທີ່ເຈົ້າອາດຈະມັກ
ໂຄງການພິເສດ
ເປັນຫຍັງຈຶ່ງສຶກສາຄຳພີໄບເບິນ?
ຄຳພີໄບເບິນໄດ້ຊ່ວຍຫຼາຍລ້ານຄົນທົ່ວໂລກໃຫ້ໄດ້ຮັບຄຳຕອບທີ່ສຳຄັນໃນຊີວິດ. ທ່ານຢາກເປັນຜູ້ໜຶ່ງໃນນັ້ນບໍ?
ຄຳຖາມທີ່ພົບເລື້ອຍໆ
ເລື່ອງທີ່ໜ້າຮູ້ກ່ຽວກັບການຮຽນຄຳພີໄບເບິນກັບພະຍານພະເຢໂຫວາ
ເມື່ອຮຽນຄຳພີໄບເບິນກັບພະຍານພະເຢໂຫວາ ເຈົ້າຢາກໃຊ້ຄຳພີໄບເບິນສະບັບໃດກໍໄດ້. ເຈົ້າຢາກຊວນຄອບຄົວຫຼືໝູ່ມາຮຽນນຳກໍໄດ້.
