Kai aios ǁaeba ū tsîts go nē ǂkhaniba ôaǃnâ ǃkhais ǃaroma, Jehovab di ǀHûǀguitimî-aon ǀkha ǂangu, ǁîn da dī xūn, tsî ǁîn di ǀapeǂhumisa dīb ǃnâ. ǂGom da ge ra huihe du go ǃkhaisa mûǃāsa sida Jehovab ǂâisa ra dīǀoaǀoa ǃkhaisa nētsēs ǁaeb ǃnâ. ǁKhaudu da ge ra, tā ǀû Elob xa ǁkhāǁkhāsensa, tsî sa hoa omaris tsî horesana ǁgambasa sats go ǁkhāǁkhāsen xūn xa, tsî hoaǁae ǀhaos tawa Xristeǁî ǃgâsan ǀkha ǁgamǁaesa.—Hebreǁîn 10:23-25.

ǃNāsasets Jehovab xa ra ǁkhāǁkhāsen khamits ge nî mû mati kōseb ǁÎba satsa a ǀnam ǃkhaisa. Ots ge nēs xa ǁkhaeǂgaohe tsî sats tsîna ǁkhāts as kōse nî dītsâ ǁîba ǀnamǃoa sa. (1 Johaneb 4:8-10, 19) Xawe matits nēsa sa tsēs hoas ûib ǃnâ a ǁgau ǁkhā? Tae-i ǃaroma da ǁîb di ǀgapi ǁkhāǁkhāde nî ǁnâuǀnam? Tae-e huitsi ǁkhā sida ǀkha Elob ǂâisa dī ǂgao sa? Satsa Elobmîsa ra ǁkhāǁkhā khoe-i ge kaise nî ǃgâiaǂgao sats tsî sa omarisa huisa “Elob di ǀnami ǃnâ” mâǀgai sa ǀamo ûiba ais ai kē hâse.—Judab 21.

ǂGaob ǃgamsiba xu da ge ra ǁkhau du amab daob ǃnâ ǀgai tsî du nî ǃkharu kai saora ǂkhanisa ǁkhāǁkhāsensa.