Cai folletora yachangahua timpura llucchishcamanda pagarachunchi. Shina rasha ñucanchira, Jehová organizacionda, shinallara ñucanchi rashcaunaras mas ricsingui. Testigogunalla Jehovapa munaira pactachijcuna ashcara ñami yachangui. Cumbiranchimi Yaya Diosmanda yachasha catichu. Camba ailluma, amigogunamas Bibliamanda yachashcaunara cuintangui. Shinallara ñucanchi tandarinaunama shamungui (Hebreos 10:​23-25).

Jehová Diosta mas ricsishaga, pai canda ashca llaquishcara ricunguimi. Chita ricushaga Dios mandashcara pactachingaj munanguimi (1 Juan 4:​8-10, 19). Shinajpis, ¿imasnara tucui punzha Yaya Diosta llaquishcara ricuchina ushangui? ¿Imarasha Dios mandashcara pactachina ali an? Ñucanchihua Diospa munaira rurangahua ¿imara canda yanapanga? Cai tapuigunara yachangahua, canda Bibliara yachachij alira intindingahua yanapanga. Casna intindishaga camba aillu, cambas ‘Dios llaquiushcai [tianguichi] huiñai causaira charingaj’ (Judas 21).

Diospa Shimira ricsisha catingahua, canda tucui shunguhua cumbiranchi. Jehová Diosta ali ricsingahua urai tiaj libro yanapanga.