Organizacionniykumanta hinaspa ima rurasqaykumanta yachanaykipaq chaynataq reqsiwanaykikupaq tiempochakuspa kay folletopi leesqaykiqa allinpunim. Yacharunkichá Testigonkunalla Jehová Diospa munaynin rurasqaykuta. Diosmanta hinalla yachanaykipaqmi kallpanchaykiku. Familiaykiman otaq amistadnikikunaman yachasqaykikunamanta willay, ñoqaykuwan sapa kuti huñunakunaykipaqtaq kallpanchakuy (Hebreos 10:23-25).

Jehová Diosmanta astawan yachaspaqa pay kuyasusqaykimantam yachanki. Hinaptinmi kallpanchasqa tarikunki paypa munasqanman hina kawsanaykipaq (1 Juan 4:8-10, 19). Chaynaqa, ¿imayna kawsasqaykiwanmi Dios kuyasqaykita sapa punchaw qawachiwaq? ¿Imanasqataq allinnikipaq kanman kamachikuyninkuna kasukuynikiqa? ¿Imataq kallpanchasunki ñoqaykuwan kuska Diospa munayninta ruranaykipaq? Bibliamanta yachachisuqnikim yanapasunki chay tapukuykuna imayna contestayta hinaptinmi familiaykiwan ‘Diospa kuyakuyninpi waqaychasqa wiñay kawsaypi suyakuyniyoq’ kankichik (Judas 21).

Tukuy sonqoykuwanmi kallpanchaykiku Diosmanta hinalla yachanaykipaq. Chaypaqmi kay libro allintapuni yanapasunki.