Ñucanchi organización imatalla rurajushcata yachajungapaj tiempota llujchishpa cai folletota yachajushcamandaca ninandami cushijupanchi. Cunan punllapi Jehovapa munaita testigo de Jehovacunalla ruranajushcata intindichun ayudashca cashpaca alimi canman. Diosmanda ashtahuan yachajushpa chai yachajushcacunata quiquinba familiaman, amigocunamanbash parlapangui. Shinallata ñucanchi tandanajuicunamanbash shamuchunmi animapanchi (Hebreos 10:23-25).

Jehová Diosmanda ashtahuan yachajushpaca quiquinda Dios ninanda juyashcatami cuenta japipangui. Shinami Jehová Diosta juyashpa causangapaj esforzaripangui (1 Juan 4:8-10, 19). ¿Imashinata Diosta juyashcata ricuchita ushapangui? ¿Imamandata Diospa mandashcacunata cazuna capangui? Diosta sirvina munaita charichunga ¿imashi ayudapanga? Chai tapuicunamanda yachajuchunga quiquinda Bibliamanda yachachijmi ayudapanga. Shinami quiquinbash quiquinba familiapash Taita Diosta juyashcata na cungashpa para siempre causana munaita charipanguichi (Judas 21).

Diosmanda ashtahuan yachajushpa catichunmi animapanchi. Chaipaca cai libromi ayudapanga.