But ceninaja so arakhljan vreme te proučine akija brošura te šaj te sikljove ando e Jehovase svedokija, so čeraja hem savi tani amari organizacija. Verujinaja so i brošura pomožindža tut te dikhe so amen hijam odola manuša kola čerena e Jehovasi volja avdije. Podstakninaja tut hem ponodri te sikljove ando Devel, te vačere te familijače hem te amaljendže kotar odova so sikljoveja hem redovno te ave ko amare sastankija (Jevrejendže 10:23-25).

So pobuter sikljoveja ando Jehova, sa pobuter ka haljove kobor čače ov mangela tut. Tegani, ka ove podstaknimo hem tu te čere sa te šaj te mothove so mangeja lje (1. Jovaneso 4:8-10, 19). Ama, sar šaj te dživdipaja te mothove so mangeja e Devlje? Sose tano šukar te ičere oljese načelija? So ka pomožini tuče te mange te čere e Devljesi volja zajedno amencar? Okova so proučini tuva i Biblija ka mangel te pomožini tut te arakhe o odgovorija, te šaj tu hem ti porodica te „ačhoven ko e Devljeso mangipe [...] dži nadinena tumen ko večno dživdipe“ (Judaso 21).

Vičinaja tut hem ponodri duhovno te napredujine adžahar so ka proučine i knjiga „Održite se u Božjoj ljubavi“