A de wan moi sani taki yu teki ten fu luku a brochure disi so taki yu kon sabi moro fu Yehovah Kotoigi, yu kon sabi san wi e du èn fa na organisâsi fu wi e wroko. Wi howpu taki disi yepi yu fu kon si taki wi na den sma di e du a wani fu Yehovah na ini a ten disi. Wi e gi yu a deki-ati fu tan leri sabi Gado, fu fruteri yu famiriman nanga mati den sani di yu leri, èn fu kon doronomo na den Kresten konmakandra fu wi.—Hebrewsma 10:23-25.

Yu o kon si taki o moro yu e leri fu Yehovah, o moro yu o si taki a lobi yu trutru. Disi o gi yu a deki-ati fu du ala san yu man fu sori taki yu lobi en tu (1 Yohanes 4:8-10, 19). Ma fa yu kan sori na ini yu aladei libi taki yu lobi Gado? Fu san ede a bun gi yu fu tyari yusrefi soleki fa a wani? Èn san o yepi yu fu du a wani fu Gado neleki wi? A sma di e studeri Bijbel nanga yu o breiti fu luku den piki tapu den aksi dati so taki ’Gado o tan lobi’ yu nanga yu osofamiri èn „unu kan kisi têgo libi”.—Yudas 21.

Wi e begi yu fu tan leri moro fu den tru tori fu Bijbel fu di yu o studeri a buku Meki Gado tan lobi yu.