Fakafetai mo tō taimi i te iloilo o te tamā tuhi tēnei ke maua e koe te avanoa ke fakamahani ai koe ma Molimau a Ieova, ke iloa ai a matou galuega, ma iloa foki nā gaoioiga a te matou fakalāpotopotoga. Ko ki matou e fakamoemoe kua fehoahoani atu ki a te koe ke iloa ai ki matou ko nā tino e faia te finagalo o Ieova i nā aho nei. Ko ki matou e fakalotomalohi atu ke taumafai pea oi akoako te poto o te Atua, ke taku atu ki iētahi o ō kāiga ma uō e fakatatau ki nā mea kua akoako ai koe ma ki matou i nā hauniga Kelihiano.​—Epelu 10:​23-25.

Ka mātau e koe, ko te akoako atili o koe e uiga ki a Ieova, ka atili ai te mafai oi kikila atu ki te auala lahi lele e alofa moni ai ia ki a te koe. Ka fakamalohia ai koe ke fai nā mea uma e mafai ke fakaali ai foki tō alofa ki a te ia. (1 Ioane 4:​8-10, 19) Kae e mafai vēhea oi fakatino te auala e fofou ke ola ai koe? Aiheā e tāua ai te uhiuhitaki ki ana tūlaga amio lelei e aogā lele mo koe lava? Ma he ā te ka fehaohaoni ki a te koe ke fofou ke fai te finagalo o te Atua ma ki matou? Ko tō faiākoga o te Tuhi Paia e fiafia ke hakili nā tali fakatahi ma koe, ke mafai e koe ma tō kāiga “ke tūmau koutou i loto o te alofa o te Atua, ka koi fakatalitali koutou ki te ola fakavavau.”​—Iuta 21.

Ko ki matou e valakaulia koe ke fakaauau oi atiake te auala o te kupu moni i te hukehuke o te lōmiga e hohoko mai . . .