Titikuwongani ukongwa chifukwa chakusaniya nyengu kuti muŵerengi kabuku yaka ndi chilatu chakuti muŵaziŵi umampha Akaboni aku Yehova, muziŵi vo tichita ndipuso mo gulu lidu lichitiya vinthu. Te ndi chigomezgu chosi kuti kabuku yaka kakuwovyani kuziŵa kuti ndisi tichita khumbu laku Yehova mazuŵa nganu. Titikuchiskani kuti mulutirizgi kusambira zaku Chiuta, kukambiyaku abali ŵinu ndi mabwezi nginu vo yimwi musambira ndipuso yesesani kusanirika nyengu zosi pa maunganu ngidu ngachikhristu.—Aheberi 10:23-25.

Muwonengi kuti po musambira ukongwa zaku Yehova ndipu muziŵengi kuti watikuyanjani nadi. Ivi vikuchiskeningi kuti namwi muchiti chechosi cho mungafiska kuti mulongo chanju chinu kwaku iyu. (1 Yohane 4:8-10, 19) Kumbi mungalongo wuli kuti mutanja Yehova pa umoyu winu wa zuŵa ndi zuŵa? Ntchifukwa wuli kuvwiya fundu za mijalidu yamampha yaku Yehova nkhwakovya? Nanga ntchinthu wuli cho chikuwovyeningi kuti muchiti khumbu laku Chiuta pamoza nasi? Munthu yo watikusambizani Bayibolu wakuwovyeningi kuti musaniriyi pamoza kwamuka kwa mafumbu yanga ndi chilatu chakuti yimwi ndi banja linu “mulutirizgi kuchita vinthu vo vingawovya kuti Chiuta wakuyanjeningi, muchilindizga . . . umoyu wamuyaya.”—Yuda 21.

Titikuchiskani kuti mulutirizgi kusambira nthowa yauneneska mwakusambira buku la mutu wakuti “Mujisungi mu Chanju Chaku Chiuta”