Кудай бисти ырысту болзын деп кӱӱнзеп јат. Сӱӱштеҥ улам ол биске јерди ле јердеги ончо немени јайаган. Удабас Кудай улуска јакшы јӱрӱм берер, ол тушта јердиҥ ӱстинде кыйын-шыра болбос. (Иеремия 29:11 кычырыгар.)

Кижиниҥ бир де башкарузы базынышты, оору-јоболды ла ӧлӱмди јоголтып болбогон. Је јакшы солун бар: Кудай удабас ла бастыра башкарулардыҥ ордына бойыныҥ башкарузын тургузар. Ол тушта ончо улус амыр-энчӱ јадар ла су-кадык болор. (Ачылта 21:3, 4; Даниил 2:44 кычырыгар.)

Кудай јерди калју-казыр улустаҥ арутабаганча, кыйын-шыра токтобос (Софония 2:3). Је бу ӧй качан болор? Бӱгӱнги телекейде болуп турган ончо неме, Кудайдыҥ Сӧзинде озолондыра айдылып калган. Айдарда, Кудай удабас ла јерди јаманнаҥ арутап баштаар деп, јердеги айалга јарт кӧргӱзип јат. (2 Тимофейге 3:1—5 кычырыгар.)

Агару Бичикти сӱӱштӱ аданыҥ бойыныҥ балдарына бичиген самаразына тӱҥейлеерге јараар. Оныҥ учун биске бу бичиктеҥ Кудай керегинде билгирлер алар керек. Бу бичикте эмди ле бойысты тӱзединип, келер ӧйдӧ јерде ӱргӱлјиге јӱрерге нени эдери керегинде айдылат. Слердиҥ Агару Бичикти ӱренип турганаар кезик улуска јарабас болор. Је Кудай биске ӱргӱлјиге јӱретен арга берип турарда, оныҥ сӧзин ӱренерге, биске кем де чаптыгын јетирбезин. (Укаа сӧстӧр 29:25; Ачылта 14:6, 7 кычырыгар.)