O tokel no Kawas to tamdaw i, lalipahak a maˈorip itini sera. Tada maolahay Cingra to tamdaw, saka pisangaˈ Ningra to cikiw ato maamaan. Cato ko hahalafin, papalahdawen Ningra ko masakenakenaay a pades no tamdaw, lalipahakto a maˈorip ko tamdamdaw.​—ˈOsien ko Yirimiya 29:11.

Toniya hekal awaay ko cecay a sifo to ngangaˈay palahdaw to mariˈangay, adada ato patay. Kawra pasowalay ko Fangcalay Cudad kitanan to cecay ngaˈayay lihaf! O nipatirengan no Kawas a sifo, kakahenay a mikotay to polong a sifo noni hekal. Itini to pikowan no sifo no Kawas, o rarihaday ato tatanoktok ko tireng no tamdamdaw.​—ˈOsien ko Isaya 25:8; 33:24; Taniil 2:44.

Palahdawen no Kawas ko tatiihay tamdaw ikor, wa awato ko kasomadan. (Cifaniya 2:3) Wa hacowa hani? Paliˈayaway ko Sowal no Kawas, ˈayaw no palahdawen Ningra koniya hekal i, iraayho ko tatiihay tamdaw tatiihay demak. Hay, o pakayraan nohatini patalahkalay to mangataayto ko romiˈad no Kawas.​—ˈOsien ko 2 Timoti 3:1-5.

O maminanam kita to Fangcalay Cudad, mafanaˈ to Kawas. O Wama no mita ko Kawas, tada maolahay kitanan, o Fangcalay Cudad i, mahecaday o tikami Ningra kitanan. Pasowalay ko Fangcalay Cudad to sasamaan ko hademak no mita, hongaˈ fangcal ko kaˈorip nohatiniho, ano ikor i, ngangaˈay midaˈoc a maˈorip itini i sera. Aka milawa toniya kalimlaan a toki!​—ˈOsien ko Taneng 29:25; Paˈarawan 14:6, 7.