Osanobua hoo ne emwa sọyẹnmwẹ arrọọ vbe otagbọn na. Ọ keghi yi agbọn na kevbe emwi hia ni rrọọ, rhunmwuda ọ hoẹmwẹ emwa nagbọn. Vbe nẹi khian kpẹ gbe, ọ gha zẹ emwi ru nọ ya kpemehe arrọọ nọma sayọ vbe odaro ne emwa nagbọn hia. Ọ gha rhiẹre hiẹn odẹ rre avbe evbọ sie usẹ ye emwa nagbọn egbe.—Tie Jerimaia 29:11.

Arriọba ọkpa i rrọọ nọ he sẹtin wabọre rua ighẹ igbinnoguo, emiamwẹ, ra uwu. Sokpan iyẹn nọma rrọọ. Vbe nẹi khian kpẹ gbe, Osanobua gha ye arriọba ọghẹe ya rhihe arriọba ọghe emwa nagbọn. Emwa ni khian gha rre ototọ arriọba nii, gha sọyẹnmwẹ ọfumwegbe kevbe egberanmwẹ nọ gbae.—Tie Aizaia 25:8; 33:24; Daniẹl 2:44.

Osanobua gha wabọ emwa dan hiẹn agbọn na rre nẹ, ẹre usẹ khian na fo. (Zefanaia 2:3) De ẹghẹ ne ọni khian ya sunnu? Ẹmwẹ ọghe Osanobua tae yotọ, emwi dan nọ sunnu dae emwa nagbọn vbe ẹghẹ na ye na. Emwi dan nọ ghi sunnu vbe ẹdẹnẹrẹ, keghi rhiẹre ma wẹẹ, ẹghẹ ne Osanobua khian ya ze emwi ru sotọ nẹ.—Tie 2 Timoti 3:1-5.

Ọ khẹke nima ruẹ vbekpae Osanobua vbuwe ẹmwẹ ọghẹe nọ re Baibol. Te ọ yevbe na ghe elẹta ne erha nọ mwẹ ahoẹmwọmwa gbẹn gie ivbiẹre. Ọ tama ima vbene ima gha ya sọyẹnmwẹ arrọọ nọma hẹ vbe ẹdẹnẹrẹ, kevbe vbene ima gha ya sọyẹnmwẹ arrọọ ọghe etẹbitẹ vbe uhun otagbọn vbe odaro. Vbene ẹmwata, ẹko i rhiẹnrhiẹn emwa eso yọ rhunmwuda, a ru iyobọ nuẹ ya rẹn ototọ e Baibol. Sokpan, ma i khian gie ekpotọ nọ hiunsi vberriọ ọghe na gha rrọọ vbe agbọn nọma sayọ vbe odaro, la ima ban.—Tie Itan 29:25; Arhie Maan 14:6, 7.