Sɔ ngoya nde hio wi a dung nɛ tortɛ ha zu nu. A bhongara nu nɛ hio mɔ fɛt ka yo dung ha zua. Ha zu a ngoya hio wi. Ha zang be ngimɔ, a be de nde dede dungɔ nu mɔ mɔsa pɛ hio wi ha zu nu fɛt a tɛ nɛ dedea. A be kusi hio mɔ ka de nde hio wi a zɔk bonɛ.​—Tɔli 1 Timothée 6:19.

Ma konga-kandɔ pɛ hio wi ka kpa wal mɔ kusi hio dea ngaya mɔ, zɛlɛ fio bona. Tangere ma dede wen ha yo. Ha zang be ngimɔ, Sɔ be kusi hio konga-kandɔ pɛ hio wi mɔ gde pea ha bhandia. Hio wi ka be dung ha si konga-kandɔ a be dung nɛ ga mɔ nɛ dede tɛ.​—Tɔli 1 Korente 15:26; Gbasamɔ 21:4; Daniel 2:44.

Bɔnɛ be kari bin ha ngimɔ ka Sɔ be kusi hio ndanga wi fɛt mburr yunɛ ha zu nu (Sophonie 2:3). Mɔa be hɔ bin ge soe nde? Hio gdanga mɔ ka hɔ ha hio wi mɛsɛ, Bible tɔa wena songsi kari. Hio gdanga mɔ ka hɔ ha zu nu osi nde ngimɔ mɔ tɔ nde Sɔ a dema mɔ tɛ bo sanga.​—Tɔli 2 Timothée 3:1-5.

Yo lɛma nde ɔ yambi mɔ ha zu Sɔ ha zang Bible. Yo gbesi tuka ma lettre ka ma gdibafa ka ngoya ɔ pentɛ tomsa ha ɔ. Yo osa ha ɔ mɔ dung nɛ tunɔ nɛ dedea mɛsɛ fin mɔ kpa tunɔ mɔ kpo nɛ kpo ha zu nu bin. Mɔ ndang sona, mɛ bekpa hio ma wi ka ngoy nde mɛ a yambi Bible na. Mâ ka mɛ de nde dedemɔ mɔ bhisiri ki kɛ a kɔpi mɛ na.​—Tɔli Matthieu 10:26; Gbasamɔ 14:6, 7.