Munxam, he prithumecher khuxalkaien jiel’lim Devak zai. Tannem prithum ani tantunt soglleo vostu rochleo karonn To munxakullacho mog korta. Veginnuch, To dor eka raxttrantlea lokank, ek boro fuddar diunk vavurtolo. To munxakullak koxttantlim suttavim korun suseg ditolo.​—Jeremias 29:11 vachat.

Khoincheai sorkarachean ozun passun zulum, duens vo moronn kaddun uddounk zaunk nam. Torui amkam ek bori khobor asa. Rokddoch Dev munxanche sorkar kaddun uddoun, aplem sorkar choloitolo. Tachea sorkara khala ravtole lok, xantin jietole ani tankam bori bholaiki mellttoli.​—Izaias 25:8; 33:24; Daniel 2:44 vachat.

Dev jedna vaitt lokank sonvsarantle kaddtolo, tednanch koxtt somptole. (Zefania 2:3) Hem kedna ghoddttolem? Aiz munxancher zo bhirankull kall ail’lo asa, tea vixim Devan adinch sangun dovorlam. Aiz amche bhonvtonnim ghoddttat teo vaitt vostu dakhoun ditat ki vaittponnacho xevott zauncho vell lagim pavla.​—2 Timotak 3:1-5 vachat.

Devachem Utor Bible, Deva vixim amkam kitem sangta, tem ami xinkunk zai. Ek mogall bapui aplea bhurgeank chitt boroita, toxench Bible amkam Devachi ek chitt zaun asa. Aiz, ek khuxalbhorit jivit amchean koxem jieunk zata, ani fuddarak he prithumecher sasnachem jivit mellounk ami kitem korunk zai tem tantunt dakhoil’lem asa. Bible-a vixim somzonni gheunk, tumi dusreanchi modot ghetat tem polloun, thoddeank ghoddie borem dischem nam. Punn tankam lagun, Devan bhasail’lea borea fuddara vixim xinkpachem ami bondh korchem nhoi.​—Mhonn’nneo 29:25; Prokasovnni 14:6, 7 vachat.