Yemboe 1
¿Mbaepa jókuae ñee ikavi vae?
1. ¿Mbae ñee ikavi vaepa omee Tumpa yandeve?
Tumpa oipota yande yaiko yerovia reve ɨvɨpe. Jae yanderaɨu ramo oyapo ɨvɨ jare opaete oime pɨpe vae. Michiñoma oata opa omboai vaerä yaiporara vae. Jayave opaete ɨvɨ rupi yaiko kavita. Emongeta Jeremías 29:11.
Mburuvicha reta mbaetɨ ipuere omombɨta ñeraro, mbaerasɨ ani mano. Ërei, Tumpa omee yandeve ñee ikavi vae: Jae oñonota Igobierno kuimbae igobierno jendagüepe. Jayave, oyapo Tumpa jei vae reta oikove katuta pɨagüive reve. Emongeta Isaías 25:8; Apocalipsis 21:4 jare Daniel 2:44.
2. ¿Maerapa ikavi añave voi yaikuaa?
Mbaeporara opatako Tumpa omboai pochɨ vae reta yave (Sofonías 2:3). ¿Kërai yavera oasata jókuae? Tumpa Iñee ombotenondema ikaviä añave oasa oï vae. Kuae oechauka köiñoma oï Tumpa iara. Emongeta 2 Timoteo 3:1-5.
3. ¿Mbaeteipa jayave yayapota?
Yayemboetako Iñeere yaikuaa vaerä Tumpa. Tumpa Iñeeko tupapire tu oaɨu taɨ oikuatía vae rami. Jei kërai yaiko vaerä yerovia reve jare mbae yayapota yaiko avei vaerä ɨvɨpe. Amogüe reta ngaraa oipota reyemboe Tumpa Iñeere. Ërei agüɨye emaeño jókuae ndeyópia reupitɨ vaerä ikaviete vae. Emongeta Proverbios 29:25 jare Apocalipsis 14:6, 7.
Ipuere vi ko ikavi ndeveguarä
ORE REGUA
¿Maerapa reyemboeta Bibliare?
Biblia omborɨma jeta yae vae, opaete ɨvɨ rupi, omee yemongeta ikavigüe vae rupi. ¿Reipotapa omborɨ ndeve?
