LISIOON 1
Was fer kuute notisye hot Kot?
1. Was fer kuute notisye sin tas?
Ti notisye sin: Kot wil tas meyer een frooes leepe hon. Eyer tuut ale xwiirichkheete un tas eelent wech xafe un kept een wuner xeen leepe fer ale. Kot hot ti Eyert un ales was too truf is kemacht wayl tee uns liipt. Lees Jeremias 29:11.
Woo mer hin kuke siit mer wiolënts, krankheet un toot. Pis hayt, hot khee rechiirung tas in ti ray kextelt kriit. Awer noch een aner kuut notisye is tas, in een khorts tsayt, tuut Kot sayn rechiirung in setse uf ti mënxliche rechiirunge sayn plats. Tan wëre ti mënxe net mee krank un tuun aach net mee mit pang leepe. Lees Isaías 25:8; 33:24; Daniel 2:44.
2. Warom prayche mer kuute notisye?
Wayl mer fiil layte tuun. Un tas kriit ploos een ën wën Kot ti xlechte mënxe fernichte tuut. (Sofonias 2:3) Wan tuut tas pasiire? Tsiimlich klaych. Meyer khëne uns too triwer sicher sin weeche ale xlime tinge woo am pasiire sin. In te Piipel xteet tas fiil xlimes pasiire teet eep Kot ti xlechte fernichte teet. Lees 2 Timóteo 3:1-5.
3. Was mise mer tan mache?
Meyer mise ti Piipel lërne. Kot liipt uns un tuut uns in lërne torich ti Piipel. In te Piipel saat Kot uns wii mer hayt een peser leepe khëne hon, un aach, was meyer mise mache fer eewich leepe kriin. Un ale mënxe wole fer imer leepe, kël? Tan, lërn wayter ti Piipel, aach wën etliche tas net kërn hon orer saan tas tuu noo lose solst tas se mache. Lees Provérbios 29:25; Apocalipse 14:6, 7. *
^ parágrafo 4 In te Piipel, “boas novas” is tas sëlwiche wii “kuute notisye”.
Fiilaycht tuust tuu aach kërn hon
WEER SIN MEYER
Warom is es wëyert ti Piipel se xtutiire?
Milioone layt in te kans wëlt hon, in te Piipel, ti antworte fer ti frooche fom leepe kefun. Teest tuu kërn eene fon tëne sin?
