Petara deka mensia idup lantang ba dunya. Iya ngaga dunya enggau semua utai bukai laban iya rinduka mensia. Enda lama agi, Petara deka meri pengidup ti manah ngagai semua mensia ba dunya tu. Iya mega deka ngelepaska mensia ari semua pemerinsa.​—Bacha Jeremiah 29:11.

Nadai perintah ti kala ulih muai penyai, penyakit tauka pemati. Taja pia, bisi berita manah. Enda lama agi Petara deka nganti semua perintah mensia enggau perintah Iya empu. Rayat perintah tu deka ngasai pengidup ti lantang sereta penuh pengerai.​—Bacha Isaiah 25:8; 33:24; Daniel 2:44.

Pemerinsa deka nadai agi udah Petara ngemunaska orang jai. (Sepaniah 2:3) Kemaya tu deka nyadi? Jaku Petara udah madah utai jai deka ngachau pengelikun mensia kemaya diatu. Semua utai jai ti nyadi diatu nunjukka Petara deka ngemunaska penyai enda lama agi.​—Bacha 2 Timoti 3:​1-5.

Kitai patut belajar pasal Petara ari Jaku iya, Bup Kudus. Tu baka surat ari apai ti rinduka anak iya. Iya madahka kitai chara ngulihka pengidup ti manah ba dunya diatu enggau jemah ila. Enda semua orang lantang meda nuan belajarka Bup Kudus. Tang peluang bulih pengidup ti manah tu utai ti enda patut dilepaska nuan.​—Bacha Jaku Dalam 29:25; Pemandang 14:​6, 7.