Osẹnobulua ho nin ẹbho aghọnghọn bhi ọnin otọ nan. Ranmhude ọle hoẹmhọn mhan, ọle zẹ nọn da man otọ bi emhin rebhe ne ribhi ẹkẹọle. Bhi obhi ẹghe khere, ọle dẹ fi ọnan agbọn denọ diọ bhi ejọ ada mhẹn. Emhin ne si oya re rebhe, ọle ki ne sibhọ re.—Tie Jeremiah 29:11.

Ugbẹloghe soso bha sẹ sabọ re uu, emianmhẹn bi okhọnlẹn sibhọ ọnan agbọn nan re. Ọta nọn mhẹn ribhọ! Obhi ẹghe khere, Osẹnobulua dẹ ri ugbẹloghe nọnsọle rẹ re ugbẹloghe ọsi ọnan agbọn nan sibhọ re. Ọnin ugbẹloghe dẹ re egbe nọn daanlẹn bi ọfure ji ene da nyẹn. bhi otọle.—Tie Isaiah 25:8; 33:24; Daniel 2:44.

Iloya ida fo sade Osẹnobulua bha ne ene imhẹn sibhi otọ nan re. (Zephaniah 2:3) Ẹghea ọda rẹ sunu? Emhin ebe ne sunu ẹlẹnan, iBaibo ka tale ọbho otọ. Enan rẹman Osẹnobulua dẹ kẹ lu eka nọnle mhanmhan.—Tie 2 Timothy 3:1-5.

Ọkhẹke nin mhan luẹ ẹmhọn Osẹnobulua bhi ẹkẹ iBaibo. IBaibo ọdiabi ebe nin aba nọn hoẹmhọn imọn gbẹn jele. Ọ taman mhan ebi mhan arẹ a nyẹn iẹnlẹn nọn mhẹn yẹ ejayenan. Ọyẹ taman mhan ebi mhan arẹ a mhọn aribhọ ọsi ighegheghe yẹ bhi onin otọ nan bhi ẹghe odalo. Bhọsi ẹmhọn-ata, ẹbho eso ida ghọnghọn bhọ ghe a rẹkpa ẹ luẹ iBaibo. Hẹi ji ọria soso re ẹ miẹn ghe ọnin agbọn nọn mhẹan nin bha sẹ ẹ obọ.—Tie Proverbs 29:25; Revelation 14:6, 7.