Gala wõini nu ɓuse yii-ma ɣɛ zui ma. Wõila ɣa Gala zéea de ʋaa ma, na ɣa é kɛɛni yɛ zui ɓɛtɛ é vɛɛ ŋɛnii ɓɔgapɛ ba é ma. Tɔɔ vaazu ŋetea ɓɔɔɓɔɔ feezu nu ɓuse ya zui wɔlɔ-kɔlɔ ma. Su ɓuovɛ sa ga é nu ɓuse wũ-maa-wo faa yowũ ya.​—1 Temete 2:3, 4 lodo.

Nu ɓuse wɔmɛtii ta nɛpɛ gɛ lɛ zoo ga ɔ́ kɔɔ ɓea ta seeɓɛ é vɛɛ saa va. Kɛ keela woo vagɔ ɣa na. Su ɓuovɛ sa ga Gala ge nu ɓuse wɔmɛtiitiɛ maa ʋeli bo ga na dɛɛ. Numaitiɛ te vaazu ɣɛɛzu gɔmɛtii nii wu ta kɔlɔ su wodo ɓɔga zii-laa maa zɔlɔ wo.​—Faa Wuloai Kɛnɛ Ma 21:4; 1 Kɔlĩitiɛ 15:24 lodo.

Gala ka faa yowũ ɣɛɛ veaitiɛ zu ŋala-ŋala na zui ma, daa-nɔwɔ-wogi ɣa sa ya ɓea. (Zephaniah 2:3) Siɛ sɛɓɛi nii vaazu ɣɛɛzu la? Gala Kɔlɔi zɛni ɓɔɔ naa luo é faa wo é vile faa ɓaagi niitiɛ va é laazu nu ɓuse ma. Faa yowũitiɛ zaa te ɣɛɛzu zui ma, taa dɛɛzu ga Gala ná siɛgi ɣa sa ziiti zu.​—2 Temete 3:1-5 lodo.

Manɛɛ de faa maa woli é vile Gala ba Gala Kɔlɔi zu. Kɔlɔi nii ma ʋaa wulovɛ ga kɔlɔi de maa zɔlɔ woga duu keea vagɔi ya.Towaa ɓɔ de va de kwɛ̃ɛ ga velei da ŋeteai ɣɛɛ la ga pagɔ é vɛɛ velei va da zɛʋui nii zɔlɔ wo la kwɛ̃ɛ gɛ lɛ ba naa yee luo ma vele. Ani ya na kpɔba zɔlɔ wo su ga é Gala Kɔlɔi ɣaa ɣa, numaa fikaa tɛ lɛ wõi ya ga naa. Kɛ mɛ lɛ ɓe ba nu ta nɛpɛ ɔɔ kɛ ɔ̀ vala ŋetea vagɔi nii ma.​—Luki 6:22,23; Faa Wuloai Kɛnɛ Ma 14:6, 7 lodo.