Юмо мемнам пиаланым ужнеже. Мемнам йӧратымылан кӧра тудо мландым да мландыште мо уло, чылажымат ыштен. Вашке тудо чыла еҥын илышыжым сай могырыш вашталта. Тӱняште орланымаш огеш лий. (Псалом 36:11, 29 лудын лекса.)

Ик правительстват виешлымашым, черым да колымашым пытарен кертын огыл. Но уло ик сай увер: пеш вашке Юмо чыла тӱнясе правительствым шке Кугыжаныш дене алмашта. Чыла еҥ тыныслыкыште илаш тӱҥалеш да нунын сай тазалыкышт лиеш. (Почмаш 11:15; 21:3, 4 лудын лекса.)

Орланымаш тунам веле пыта, кунам Юмо чыла осал еҥым пытара (Софония 2:3). Кунам тиде лиеш? Юмын Мутыштыжо таче чыла лиедыше событий нерген ончылгочак возымо лийын. Тиде теве мом ончыкта: пеш вашке Юмо вашталтыш-влакым ышташ тӱҥалеш. (2 Тимофейлан 3:1—5 лудын лекса.)

Мыланна Юмо нерген шинчымашым тудын Мутшо гыч, Библий гыч, налаш кӱлеш. Библийым серыш дене таҥастараш лиеш, кудыжым йӧратыше ача шке йочаж-влаклан возен. Тушто каласыме, кузе илышнам уже кызытак саемдаш да кузе ончыкыжым мландыште курымеш илышым налаш лиеш. Очыни, южыштлан Библийым шымлаш тӱҥалмыда огеш келше. Но курымеш илаш йӧн чот шергакан, сандене тудым ида йомдаре. (Лукан 6:22, 23; Почмаш 14:6, 7 лудын лекса.)