ToTeotsij kineki ma yolpakikaj maseualmej. Kichijki Tlaltipaktli uan nochi katli onka pampa kiniknelia maseualmej. ToTeotsij nechka kitlamiltis nochi tlamantli katli techtlaijiyouiltia uan kiampa kampa ueli nochi tlauel kuali tiitstosej. (Xijpoua Jeremías 29:11).

Maske yon se tlanauatijketl amo kema kitlamiltijtok tlasisinijkayotl, kokolistli uan mikilistli, onka se kuali tlamachtili tlen moneki tijmatisej. ToTeotsij nechka kintekipatlas nochi tlanauatianij ika iTlanauatijkayo. Uajka onkas tlayolseuilistli uan amo aka kipias kokolistli. (Xijpoua Isaías 25:8; 33:24 uan Daniel 2:44).

Kema toTeotsij kintsontlamiltis nochi tlen amo kualmej ipan Tlaltipaktli, tlamis tlaijiyouilistli (Sofonías 2:3). ¿Kema moaxitis ni? ToTeotsij iTlajtol uejkajkia kiijtok panoskia tlen nama techtlaijiyouiltia. Ni kinextia toTeotsij nechka kitsontlamiltis tlen amo kuali. (Xijpoua 2 Timoteo 3:1-5).

Moneki ma timomachtikaj tlen toTeotsij ipan Biblia. Ni kejuak se amatlajkuiloli tlen se tetata teiknelijketl kinijkuiljuilia ikoneuaj. Nopaya techiljuia kenijkatsa uelis tiyolpakisej ipan ni tonali uan tlake moneki tijchiuasej tlaj tijnekij tiitstosej nochipa. Maske sekij amo kinpaktis pampa timomachtia Biblia, amo xijkaua ma mitstsakuilikaj. Pampa toTeotsij tlauel mitsteochiuas. (Xijpoua Proverbios 29:25; Apocalipsis (Revelación) 14:6 uan 7).