Ruhanga naayenda ngu abantu batuure omu nsi bashemereirwe. Ahabw’okukunda abantu, akahanga ensi n’ebigirimu byona. Ruhanga ari haihi kureetaho embeera nungi omu nsi yoona. Naija kumaraho byona ebirikureetera abantu kubonabona.—Shoma Yeremia 29:11.

Tihaine obutegyeki obubaasize kumaraho obushaarizi, endwara n’okufa. Kwonka hariho amakuru marungi kuruga ahari Ruhanga. Ari haihi kwihaho obutegyeki obw’abantu bwona akataho obwe. Abantu abu burategyekye nibaija kugira obusingye n’amagara marungi.—Shoma Isaaya 25:8; 33:24; Danieli 2:44.

Ruhanga ku araamareho abantu ababi omu nsi, okubonabona nibwo kuraahweho. (Zefania 2:3) Ekyo naija kukikora ryari? Ekigambo kye kikagamba aha bintu bibi ebiriho hati omu nsi. Ebintu ebyo nibyoreka ngu Ruhanga ari haihi kugira eki yaakora.—Shoma 2 Timoseo 3:1-5.

Tushemereire kwega ebirikukwata ahari Ruhanga ebiri omu Kigambo kye Baibuli. Baibuli ni nk’ebaruha kuruga ahari tataitwe orikutukunda munonga. Neetugambira oku turikubaasa kugira okushemererwa hati n’oku turaije kutunga amagara agatahwaho omu nsi. Waaba nooyega Baibuli abamwe nibabaasa kutashemererwa. Kwonka otabaikiriza kukuremesa kwega aha birungi ebi Ruhanga arikuraganisa omu biro by’omumaisho.—Shoma Enfumu 29:25; Okushuuruurwa 14:6, 7.