Deus misti pa jintis vivi sabi na tera. I kumpu tera ku tudu kusas nel pabia i ama pekaduris. I ka na tarda, i na bin aẑi pa da jintis di tudu tera, un futuru minjor. I na bin alivia pekaduris di sufrimentu. — Lei Jeremias 29:11.

Nin un guvernu ka konsigi kaba ku violensia, duensa ku mortu. Ma i ten bon noba. I ka na tarda, Deus na bin troka tudu guvernus di pekadur pa si propi guvernu. Si sidadons na bin tene pas ku bon saudi. — Lei Isaias 25:8; 33:24; Daniel 2:44.

Sufrimentu na bin kaba, so ora ki Deus limpa tera di tudu jintis mau. (Sofonias 2:3) Kal tempu ku kila na sedu? Palabra di Deus falaba ja di kusas ku sta na pui vida di pekaduris na pirigu. Mau kusas ku sta na pasa na mundu ta mostra ki tempu di Deus aẑi sta pertu. — Lei 2 Timótiu 3:1-5.

No dibi di aprindi aserka di Deus atraves di si Palabra, Biblia. Biblia i suma un karta ki bin di un bon pape. I ta kontanu kuma ki no pudi vivi di minjor manera aos, i kuma ki no pudi bin tene vida ku ka ta kaba na tera. Na bardadi, alguns jinti pudi ka gosta di manera ku bu sta na judadu ntindi Biblia. Ma suma Deus prumitinu un futuru minjor, no ka dibi di pirmiti utrus disinkorajanu kontinua aprindi. — Lei Ditus 29:25; Apokalipsi 14:6, 7.