Tata Yaya munan ima túcuy persunas suj cusiscka cáusay apinancuta. Pay persunasta munan, chayraycu Ashpát ʼruara y túcuy chaypi tiasckanta. Mana unas túcuy usuyta sórckoj ʼrin, chayna persunas túcuy lausmanta, suj ancha súmaj ámoj pachát apinancunápaj. Jeremías 29:11 léey.

Nima gobiernu puchucayta atera mana allisuan ni onckoycunasuan ni huañuyuan. Pero alli noticias tían: mana unas, Tata Yaya túcuy ckarispa gobiernusninta sórckoj ʼrin y paylla gobérnaj ʼrin. Tata Yaya chayta ʼruaptin persunas pas ápej ʼrincu y mana ónckoj ʼrincu y cusisckas caj ʼrincu. Isaías 25:8; 33:24 y Daniel 2:44 léey.

Mana astaan usunáyshpaj, Tata Yaya túcuy mana alli persunasta Ashpamanta sorckonan tían (Sofonías 2:3). ¿Y áicap chayta ʼrúaj ʼrin? Biblia nera, ima imastis cunan punchau persunasta usuchícoj ʼrincu. Cá imastis ckaachincu ima Tata Yaya mana unas chayta ʼrúaj ʼrin. 2 Timoteo 3:1-5 cama léey.

Tata Yayamanta yachanáysh tían Bibliát estudias, suj carta ina can, ima suj tata munácoj huaasninta cachapucun. Chaypi niáysh imaina cunan suj alli cáusay apiyta atíysh, imát ʼruanáysh tían apináyshpaj ámoj pachapi cáusay túcuy tiempúpaj. Ciertu can, mana túcuy cusícoj ʼrincu ima ckamta yanapasushcancu Bibliát unanchanayquípaj. Pero, ama sackeychu chá desanimasuchun, imaraycu ámoj pacha ima Tata Yaya ckóaj ʼríysh ancha súmaj can chincanáyshpaj. Proverbios 29:25 y Apocalipsis 14:6, 7 léey.