O Del kamel ilesa te aven mishto sa le manush ai te aven barikane ande pengo traio. Vo kamel sa le manushen, anda godia kerdias e Phuv ai sa so si pe late. Pa tsirha vriama si te ankalavel anda e lumia sa so kerel amenge te avas po kino, gadia si te aven shukar giesa mai angle savorhenge. Chito 1 Timote 6:19.

 Chi iek amperetsia nashtisardias te ankalavel o nasualimos, e martia ai chi le dieli nasul sar o mundarimos. Numa si lashe viesti: pa tsirha vriama o Del si te peravel sa le amperetsii le manushenge ai si te anel peski Amperetsia. Kana o Del kerela sa godo, si te avel pacha ai sastimos savorhenge. Chito Sicharimos (Apokalipsos) 11:15; 21:3, 4.

 Te na mai avel o kino, o Del trobul te ankalavel anda e lumia sa le manushen bi lashe (Psalmo 37:10, E Nevi Viasta ai o Psalmo [ENV]). Ai kana si te kerel kako? E Biblia dias duma pa le dieli kai agies anen dukh le manushenge. Gadala dieli chorhe, sikaven ke o Del ande fuga si te lasharel sa. Chito 2 Timote 3:1-5.

 Trobus te estudis e Biblia te sikiuas pa o Del ke leski Vorba si sar iek lil kai iek lasho dat del peske shavenge. E Biblia phenel amenge sar shai avas veselime agies ai so trobus te keras te avel amen o traio kai chi mai getol. Shai avela ke but manush chi si te plachal len te azhutis tu te sikios pa e Biblia. Numa na mek te peravel tu kako, so shinavel tuke o Del pe mai angle si desia shukar te na les les. Chito Mate 5:10-12; Sicharimos (Apokalipsos) 14:6, 7.