‘Ạitu pa ‘es la famori la noh ‘oaf‘oaf ‘e rȧnte‘. Iạ fup‘ạkia rȧnte‘ ma te‘ ne te ne täe ‘e ‘on laloga hün ma se ‘on hanisi se famori. ‘Elemea avat la iạ la re‘ia ‘on pure la a‘leleia nohnoh ‘on famör ne täe ‘e te‘ ne hanua ‘atakoa. Iạ täla ‘ut‘ạkia ‘e famori te‘ ne tē a‘ru.​—Hat Jeremaia 29:11.

 Kat ‘es ra ta matantuut ‘e ta av het po ma ‘utakia ag ne‘ne‘i, ‘af‘afa, ne ala. Ka ma ‘on rog lelei. ‘El pạu‘ia se avat ne ‘Ạitu täla na‘ia ‘on matantu ta la tög‘ạkia puer ne te‘ ne matantu fak famör ‘atakoa. Famör ne täe ‘e ‘on fȧn pure la noh ‘oaf‘oaf ‘e furmaria ma mȧür ne‘ne‘i.​—Hat Aisea 25:8; 33:24; Taniela 2:44.

 Te a‘ru la a‘öf kikia ‘e avat ne ‘Ạitu täla a‘ma‘ma‘ạkia rȧnte‘ ‘e ‘on ‘ut‘ạkiạg ne famör raksa‘a. (Sefanaia 2:⁠3) Ka ‘e av hes tä te ‘o la soko? Fäeag ‘on ‘Ạitu foar vạhia tē ne la sok se famori ‘e av te‘. Te‘ ne te ne soksoko kel‘ạkia ne av ‘on ‘Ạitu la a‘sokoa ‘on pure ‘elemea.​—Hat 2 Timoti 3:1-5.

 ‘Is kop la rak te ne mou se ‘Ạitu ‘e ‘on Fäega, ‘e Puk Ha‘ heta. Iạ fak se ta pukut ne naam ‘e ta ö‘fā mäeav hanisit se ‘isa. Ia rak‘ȧk se ‘isa sal pumuet la ‘is la po‘ia mȧür ‘oaf‘ofa ‘e ‘on ‘i‘i ma ‘os la poag ne mȧür se ‘es tohiget te rȧnte‘ ‘e avat ‘ut‘utum ‘og. Te aire iris ‘e ‘on rerege kop ma kal kạu‘ȧk ra ‘ou poag ne haisoaga la ‘inea Puk Ha‘ heta. Ka ạlạlum‘ạkiget se mȧür helavat ne ta‘ kankanam ‘og lelei ti‘ sirien ma sok‘ȧk ma kikia rakoag ne ‘on fäega.​—Hat Fäeag ‘Es Fuạga 29:25; Kel‘ȧk Tē 14:6, 7.