Таҥара биһиги дьоллоох буоларбытыгар баҕарар. Кини биһигини таптыыр буолан, сири уонна сиргэ туох баарын барытын айбыта. Сотору кини дьон олоҕун үчүгэй өттүгэр уларытыа. Аан дойду үрдүнэн эрэйдэнии аны суох буолуоҕа. (Саалтыыр 36:11, 29 ааҕыҥ.)

 Биир да бырабыыталыстыба буруйу оҥорууну, ыарыыны уонна өлүүнү кыайа илик. Ол эрээри үчүгэй сонун баар. Сотору кэминэн Таҥара дьоннор бырабыыталыстыбаларын бэйэтин салайыытынан солбуйуоҕа. Дьоннор бары эйэлээхтик олоруохтара уонна ким да ыалдьыбат буолуоҕа. (Арыллыы 11:15; 21:3, 4 ааҕыҥ.)

 Таҥара сиртэн куһаҕан дьону суох оҥордоҕуна эрэ эрэйдэнии бүтүөҕэ (Саалтыыр 36:10). Ол хаһан оннук буолуоҕай? Бүгүн аан дойду үрдүнэн туох буола турарын барытын Биибилийэ өтө көрөн эппитэ. Ити өтө көрүүлэр туолуулара Таҥара олус сотору дьон олоҕун үчүгэй өттүгэр уларытара чугаһаабытын көрдөрөр. (2 Тимофейга 3:1—5 ааҕыҥ.)

 Биһиги Таҥара туһунан кини Тылыттан, Биибилийэттэн, билиэхпитин наада. Бу кинигэни аҕа таптыыр оҕолоругар суруйбут суругар тэҥниэххэ сөп. Онно билиҥҥи олохпутун хайдах тупсарарбыт уонна инники өттүгэр сиргэ мэлдьи олорор кыаҕы хайдах ыларбыт туһунан суруллар. Эһиги Биибилийэни үөрэтэргитин сорохтор баҕар сөбүлүү көрүөхтэрэ суоҕа. Ол эрээри Таҥара эрэннэрэр олоҕо үчүгэйэ бэрт буолан, бу олус сыаналаах билиини мүлчү тутаргыт хомолтолоох буолуон сөп. (Аман өс 29:25; Арыллыы 14:6, 7 ааҕыҥ.)