Ndjambe akɔpa ante anto wayale la lowiko l’osasa lanɛ lá looko. Nyotongé looko la nkete nkfumɔ nalekɔ lá looko nde ma ngandji ke ndeko te anto. Lako ila, onangha dje anto w’ewila enkfumɔ wakoke ndjalá l’akɔlɔ we wɔlɔ. Anghimɛ akambo ankfumɔ wanɛ watopɛyɛ́ ndjolo la djɛmɔ.​—Tangá Jɛrɛmi 29:11.

 Lako ngo le guvɛrnɛma mɔtshi nambokoká nsiyɛ wange, elando la nyoyi. Koko tolekɔ la nsango ye wɔlɔ: Lako ilá, Ndjambe owimɛ aguvɛrnɛma ankfumɔ w’anto dje guvɛrnɛma dje ndeko nkita aguvɛrnɛma akɔ. Wan’a mbandja we guvɛrnɛma nkɔ wangoyala la vu la alemba wolo.​—Tangá Izaya 25:8; 33:24; Danyɛlɛ 2:44.

 Ndjolo yongosila ngo nde Ndjambe amimɛ anto we losele ma looko. (Sefania 2:3) Yongoyala wíná ɔkɔ nke? Otepela wɛ Ndjambe wosiyɛka ndjewoyɛ ntondo akambo wanayakala anto ndjolo la djɛmɔ lɔko kɛnɛ. Akambo apɔlɔ wanɛ wananghemá la looko wɛnyɛwɔ nde amɔ lako ilá, Ndjambe okomɛ ndjolo.​—Tangá 2 Timɔte 3:1-5.

 Ngo iso ndjeka djɛ ndjewa Ndjambe ma Bible, Otepela we ndeko. Bible elekɔ ngo te onkanda me papa ke ngandji nyombototomelá. Etosimela wopo wɛ ndjalá la lowiko lɔ wɔlɔ lɔko kɛnɛ la wopo we mba lowiko l’itshinda lá looko l’etsho weyayé. Solo, anto amɔtshi wapangɔkɔpa nkɛna weka Bible. Koko lá ndenda wɔlɔ onkfumɔ we Ndjambe nyombotolaká, topakoke ntshika onto atodjimbole dje iso mpandjɛ wɔlɔ ɔkɔ.​—Tangá Woongo 29:25; Ndjiso 14:6, 7.