ROMNHIHÖDÖ 1
E Ma hã Romahörö Wẽ Ta hã.
1. E niha ta hã romahörö ĩwẽ.
Höimanaꞌuꞌö te tsima wẽ ꞌre dahöimana wẽ dzaꞌra mono da hã. Dadzawi te, ma tô poto Tiꞌa hã duré uburé ĩwa ꞌre ĩhöimana mono hã. Romhutu na, te dza uprotsi robdzépada hã aptoꞌoré ꞌre dahöimana wẽ dzaꞌra mono da hã daro mono bö.—Tsõré na Apocalipse 21:3-5.
Niꞌwa dama ĩpire te te uprotsi waihuꞌu õ di rowatsédé, dahödzé niwamhã dadö. Tadzahã, romahörö wẽ te tihöiba. Romhutu na, Höimanaꞌuꞌö te dza ãma adzaprĩ dama ĩpire norĩ hã Tiꞌra na, Jesus na, dza te te ꞌre ĩroti mono hã Tiꞌai ãma wahuré. Ĩtsibꞌaꞌuwẽ norĩ hã romharé na dahödzé ãna te dza ꞌre höimana dzaꞌra.—Tsõré na Apocalipse 21:4; 1 Coríntios 15:24, 25.
2. E marĩ wa ĩpire ta hã romahörö ĩwẽ.
Robdzépada hã tsiꞌutõrĩ da hã, Höimanaꞌuꞌö te dza uprotsi ĩwatsété norĩ Tiꞌai ãma hã. (2 Tessalonicenses 1:8) E niwa dza bété. Höimanaꞌuꞌö Mreme hã ma tô rowatsuꞌu duréihã marĩ ĩwatsété mono hã dama ĩwairébé mono na hã ã hã bötö mono na hã. Ta norĩ hã te watsuꞌu dzaꞌra Höimanaꞌuꞌö romhutuꞌõmhã dza te te ĩromhuri na hã te te daꞌapawaptob da.—Tsõré na 2 Timóteo 3:1-5.
3. E marĩ wa te ĩꞌmanharĩ dzaꞌra da tsi.
Wa te ĩwaihuꞌu dzaꞌra da tsi Höimanaꞌuꞌö, Ĩmreme hawi, Bíblia hã. Ta hã, aiwa damama nhimidzawi wẽ nhimiroti ne wama. Te wama nharĩ dzaꞌra e niha rowẽ na dahöimanadzé oto duré e niha dahöimana uꞌötsi dzé Tiꞌai ãma aptoꞌoré. Niꞌwam norĩ ma wẽ õ di dza Bíblia na ꞌre romnhoré mono wa. Tane nherẽ, aiwi robdzeiꞌõ tõ. Höimanaꞌuꞌö dza te te aima ĩtsõmridzé hã danhipai u ĩwẽ uptabi.—Tsõré na Mateus 5:11; Apocalipse 14:6, 7.
Ãté aima wẽ di dza taha na duré
E ꞌWAM NORĨ, WA NORĨ HÃ
E marĩ da romnhoré Biblia na.
Daꞌahö uptabi na daro mono bö ma tô waihuꞌu dzaꞌra ĩtsadaꞌöbödzé dadzadanharĩ ĩpire da hã dahöimanadzém na hã Biblia ꞌremhã. E te atsima ĩwẽ tsõpẽtẽ da.
