Mlungu akusaka kuti ŵandu asangalaleje ni umi pachilambo chapasi. Mlungu ŵapanganyisye chilambo chapasi ni chilichose cha mwelemo ligongo akusiŵanonyela ŵandu. Pachangakaŵapa jwalakwe chachitenda yakuti ŵandu aŵe pambone m’chilambo chilichose. Jwalakwe chachimasya yindu yayikwalagasya ŵandu.​—Aŵalanje Yelemiya 29:11.

Pangali boma jajikombwele kumalana ni yachiwawa, yilwele kapena chiwa. Nambo ngani syambone sipali. Pachangakaŵapa Mlungu chatyosye maboma ga ŵandu nikutamilikasya boma jakwe. Ŵakulamulidwa ni boma ja Mlungu chachiŵa pamtendele, soni ngasalwalaga.Aŵalanje Yesaya 25:8; 33:24; Daniele 2:44.

Yipwetesi yichimala Mlungu pachachityosya ŵandu ŵakusakala pachilambo chapasi. (Sefaniya 2:3) Ana yeleyi yichitendekwa chakachi? Maloŵe ga Mlungu galochesye kala yindu yayikwajogoya ŵandu masiku agano. Yindu yakusakala yayikutendekwa pachilambo yikulosya kuti Mlungu asigele panandi kuyimasya.​—Aŵalanje 2 Timoteo 3:1-5.

Tukusosekwa kulijiganya ya Mlungu kutyochela m’Maloŵe gakwe, Baibulo. Jili mpela chikalata chakwawula kwa m’weji kutyochela kwa mtati jwachinonyelo. Jikusatusalila yampaka tutende kuti tukole umi wambone sambano jino, soni umi wangamala pachilambo chapasi msogolo. Nambo ŵane komboleka ngasiyasangalasya kwawona wawojo ali mkulijiganya Baibulo pakusaka kujipikanichisya. Pakuŵa Mlungu akutusalila kuti tuchikola umi wambone mnope msogolo, tukakunda kuti ŵane atulepelekasye kulijiganya Baibulo.​—Aŵalanje Misyungu 29:25; Chiwunukuko 14:6, 7.