YACHACHINA 2
Tata Yaya, ¿pít can?
1. ¿Imajchus Tata Yayát adoranáysh tían?
Tata Yaya túcuy imastista ʼruara. Pay mana ckalláriy ni puchúcay apin (Salmo 90:2). Paymanta alli noticias amuncu ima Bibliapi taricuncu (1 Timoteo 1:11). Imaina cáusay ckoaráysh, chayraycu payllata siruipunáysh tían y adoranáysh tían. Apocalipsis 4:11 léey.
2. ¿Imaina Tata Yaya can?
Ni aicappas ni pipas payta ckaara, pay suj espíritu can. Mana atiycu ckaayta, pay ancha atun y ancha atiyníyoj can, pero nockáysh aichamanta y tullumanta cáysh (Juan 1:18; 4:24). Paymanta yachayta atíysh imaina can, túcuy ʼruasckanta ʼrejsis. Por ejemplu, ashca layas frutas y sisas ima ʼruara ckaachiáysh ima pay munaáysh y ancha yachayníyoj casckanta. Astaanpas, ancha atun universu yachachiáysh, ima pay ancha ashca atiyníyoj casckanta. Romanos 1:20 léey.
Suj laya Tata Yayát ʼrejsiyta can Bibliát lees chaypi niáysh imaina persunasta tratan, ima imastis gustapun, ima mana gustapun, imát ʼruan chá ocasiunespi. Salmo 103:7-10 cama léey.
3. ¿Tata Yaya suj suti apin?
Jishu nera: «Tatáysh ima cieluspi tianqui, sutiyqui santificascka cachun» (Mateo 6:9). Amapas, Tata Yaya ashca títulus apin, sujlla suti apin ima paylla apan. Chá suti ashca layasmanta nicun. Quichuapi Jehová can, huaquinpas Yavé nipuncu. Salmo 83:18 léey (82:19 huaquin Bibliaspi).
Ashca Bibliaspi, Tata Yáyap sutinta sorckoporancu y churarancu títulus Dius o Señor. Ckallarinpi Bibliapi, Tata Yáyap sutin 7.000 cutis ʼricurera. Jishu chá sutít ʼrejsichera persunasta yachachicus Tata Yayamanta. Juan 17:26 léey.
Ckáay vidiu ¿Tiene Dios un nombre?
4. ¿Tata Yaya nockayshmanta yuyacun?
Quiquin cá tata munácoj, Tata Yaya munan allít tianayshta túcuy tiempúpaj
Si checkamanta Jehová munaáysh, ¿imajchus ancha ashca úsuy tiananta sacken? Huaquin nincu, ima usuchiáysh ckaáypaj imát ʼruáysh. Pero chá mana chayna can. Santiago 1:13 léey.
Jehová ckaachiaráysh páypaj aica valéysh libertarta ckos ajllanáyshpaj ñanniyshta. Pero ancha agradecesckas tiáysh atiyta ajllayta libertaruan si payta siruípoj ʼríysh (Josué 24:15). Pero, ashca persunas ajllancu mana alli imastista ʼruayta, y chayraycu ashca úsuy tían. Pero Jehovát nanapun ckaayta chá injusticias. Génesis 6:5, 6 léey.
Jehovát importapúysh y desian cusisckas causanayshta. Chayraycu, mana unas usuyuan puchúcaj ʼrin y picunasuan chayta ʼruashcancu. Pero chayta ʼruanancama, usunayshta sacken. Yachachinapi 8 yachachin mayckencunas cancu. 2 Pedro 2:9 y 3:7, 13 léey.
5. ¿Imaina Tata Yayaman ckemicuyta atíysh?
Jehová sackeáysh payman oras ckemicunayshta. Pay sapa suj nockayshmanta ancha yuyacun (Salmo 65:2; 145:18). Y munan perdonaayshta. Pay ckaan imaina afanacúysh munasckanta ʼruanaas, amapas huaquin cutis mana ʼruayta atíysh. Aun defetus apis, yanasusnin cayta atíysh. Salmo 103:12-14 cama y Santiago 4:8 léey.
Jehovát causayniyshta deepúysh y merecen payllát munanayshta (Marcos 12:30). Ckam ckaachipuyta atinqui munayniyquít paymanta astaan aprendes y mandamientusninta casucus. Chayna ʼruaspá, astaan ckaylla Tata Yayamanta tíaj ʼrinqui. 1 Timoteo 2:4 y 1 Juan 5:3 léey.
