JINTIAMU 3
¿Dekaskesh Apajuinumiag yamajam chichamash miná?
1. ¿Ya amasuita Apajuí chichamenash?
Pegkeg chicham nugkanum tuke pujustatji tabau antuna duka Apajuí chichamen igkunui (Salmo 37:29). Duka ijumjamu ajawai 66 augtai yaig aidau nunak agaju ainawai 40 aents pegkejam etejamu Apajuí. Dekatkau uweja amua papín yaig aidau agagbauwa nunak Moisés agajui duka nagkaemakne 3.500 mijan, tuja aantsag inagnak agagbauwa nu nagkaemakne 1.900 mijan nunak Jisusa saataiji Juan agajui. ¿Yana anentaimpaita Apajuí chichamesh? Apajuí anentaibaun ujajakui wakaní pegkeji dutikam agaju ainawai (2 Samuel 23:2). Dutika aents aidauk agaju ainawai Apajuí anentaibaun, aniau asa ditá anentaig ajakchauwai. Nuaduí, Apajuí chichamega duka Jehuwá nayaim puja nunawai. Ausata 2 Timoteo 3:16; 2 Pedro 1:20, 21.
Distá jujú video: ¿Quién es el autor de la Biblia?
2. ¿Wagka dekaskeapi tumainaita Apajuí chichamesh?
Wagki Apajuí chichame asamtai. Tuja dekaskeapi taji jujú aidaunum, tawai imatikas dekaskea nuna atak atinun makichkish aents tichamnun (2 Pedro 1:19). Imá Apajuí ashí senchigtina nunú nunak dutikmainai. Ausata Isaías 42:9; 46:10.
Dekas papí Apajuí chichamegaitkuig, dakamainaitme eme anentsá tuja. Apajuí chichamega nuiyag kuashat aganag jiinui dapampeag ashí nugkanum tikich papí augtai aina nuna nagkagas makí makichik chichamai. Initaik akushkam, betek tawai unuimatjai. Nuigtush 40 agaju aina nuwiya betekchau tauk atsawai. * Aatus asamtai ashí Apajuí chichameg iwainawai Jehuwá anenkajin aantsag yamaish ajawai senchijí betekmamsa pujut yapajiatin aentsdau. Nunú anetaiyai, shiig kuashat aents dekaskeapi tuinawai Apajuí chichamenak. Ausata 1 Tesalonicenses 2:13.
Distá jujú video: ¿Por qué podemos confiar en que la Biblia dice la verdad?
3. ¿Wajina augmatua Apajuí chichamesh?
Apajuí chichame ajawai pegkeg ujapaktatabau duwi tujamui pegkeg aentsdau umiktasa anentaimtamun. Nuigtush Augmatui nagkamnak aents pujus megkaekamujiya nuna nugka pegkejush iwajamunum tuke jachau pujumainji tuja nuigtush ujapawai nunú ataktú iwajamu atina nunashkam. Ausata Iwainakbau 21:4, 5.
Apajuí chichameg ajawai, chicham umiktin, tuke au umiktin chichagtabau. Nuigtush tujamui utujejakuita aentsun Jehuwá nunashkam, Nunú dekamtijamui Apajuí wajukuita nunak. Aatus asamtai, Apajuí chichame yaijatui shiig dekau atan Apajuí, nuigtush, jintinjamui wajuk kumpajish amainaita nuna. Ausata Salmo 19:7, 11; Santiago 2:23; 4:8.
4. ¿Wají atsumdawa shiig dekaatasa Apajuí chichame?
Ujaktatus “agagbauwa nuna shiig dekamtikawajui”, Jisus Apajuí chichamen jintiag ujajakui. Duwi jujú papí umikbauwa jujai betek dutikattaji yaigtasa shiig dekau atinme Apajuí chichamen tusa. Ausata Lucas 24:27, 45.
Dekaskeap shiig aneas Apajuin dekawagtatua nii dutikatasa wakegamunash taaji. Tujash, awai aents aina nuwiya nuna dakitau, tikich awai kajeushkam nuna pachis ujatkainum tusa. Tujash idaimamsaipa nu aents dakitmitkajati tusam. Apajuí chichamen tawa nunisag, ya Apajuí pachis unuimag imanisag pujawa nunú tuke pujustinai. Ausata Juan 17:3.
^ par. 3 Diistá papí apách chichamai umikbau: La Biblia... ¿la Palabra de Dios, o palabra del hombre? (Apajuí chichame... ¿Apajuinukai atsá aentsdaukait?).
