Tati küme dungu taiñ rumel mongeleal tüfachi Mapu müley Biblia mu (Salmo 37:⁠29). Tüfachi lifru niey kayu mari kayu pichike lifru. Dio dulli meli mari norgechi wentru chi ñi wirintükuafiel. Ti wünen kechu lifru wirintükuy Moyse epe küla warangka kechu pataka tripantu kuyfi mu. Ti inan lifru wirintükuy apostol Juan epe warangka aylla pataka tripantu kuyfi mu. Kom rakiduam mülelu Biblia mu, tuwi Dio mu. Dio ñi lif küme püllü mew dungufi pu wirintükulu Biblia (2 Samuel 23:⁠2). Tüfachi pu wentru wirintükuy Dio ñi rakiduam, kiduke eyngün no. Feymu lle, Jewba dewmay ta Biblia. Chillkatunge 2 Timotew 3:⁠16, ka 2 Pedro 1:⁠20, 21.

Pefinge ti video ¿Iney am ta dewmay Biblia?

Kimnieiñ ti Biblia ñi küpan Dio mu, rüf feypingelu am chem dungu ñi rupayal küpalechi antü mu. Iney (iñi) no rume femlayafuy (Josué 23:⁠14). Ti kom pepiluwün-ngelu Dio müten pepi ñi femün tüfa. Chillkatunge Isaías 42:⁠9, ka 46:⁠10.

Kiñe lifru tuwlu Dio mu, müleafuy ñi doy falintungeal. Rume fentren warangkakechi Biblia wülgekey, patakakechi kewün mew. Ti Biblia niey fentren tripantu rume, welu kiñe chillkatun kolegio lifru trürlay, feypikelu ñi chumgechi ñi dewman mu, Mapu ñi dungu mu, feypi rüf dungu. Kafey ñi meli mari wirintükulu welulkadungulay. * Ka kom Biblia pengeli Dio ñi piwkeyewün, ka famülke mew petu niey newen ñi kangetual pu che ñi mongen ñi kümeleal. Fey kom tüfachi dungu mew, rume fentren che rüf kimniey ti Biblia fey ta Dio ñi Dungu. Chillkatunge 1 Tesalonisense 2:⁠13.

Pefinge ti video ¿Chumngechi kimafuiñ ñi rüfngen Biblia ñi feypilen?

Kiñe doy falin dungu nielu ta Biblia, feypiley ta Dio niey kiñe afmatufalchi duam ta kom pu che mu. Feypiley chumgechi llitul mu, ta che ñami ñi fürenengechi dungu ñi afnoachi mongeleal kiñe küme rumel mülewe mu, ka kimfalkünuy chumgechi wiñongetuay feychi küme rumel mülewe. Chillkatunge Apokalipsi 21:⁠4, 5.

Dio ñi Dungu niey ley dungu, rüfgekechi dungu, ka kümeke ngülam. Kafey ta Biblia feypieiñmu chumkefiel Dio ta pu che küme femkelu, ka weda femkelu. Tüfa kimeltueiñmew chumgen Dio. Feymew, ta Biblia kelluafeiñmu taiñ küme kimafiel. Kafey, kimeltueiñmew chumgechi ñi weniyeafiel. Chillkatunge Salmo 19:⁠7, 11; Santiaw 2:⁠23, ka 4:⁠8.

Ñi küme kimafiel chem pin ta Biblia, Jesu entukefuy kiñe textu Biblia mu, ka feypikefuy chem dungu ñi wülken. Ka femgechi femkey tüfachi pichi papil pünekefiyiñ tami kelluaetew tami doy kimafiel Biblia ñi kimeltun. Chillkatunge Luka 24:⁠27, 45.

Rüf pieyu: Eymi ayüwküleaymi tami doy kimafiel Dio ñi kümeke dungu. Welu kiñeke che duamnielay engün tüfachi dungu, ka kakelu che ayükelay ñi dungungeal tüfachi dungu. Welu eluwlayaymi tami yafülunoal feychi pu che. Tati Biblia feypi, kimlu Dio ñi dungu mu afnoachi mongen nieayngün. Chillkatunge Juan 17:⁠3.