Moro juʼpïn ouranano oronome kariʼniakon emamïrïkomba poko ènï nono kuʼpo, Opoto Papa Karetarï ta tïmero yèíʼpio ma. (Psalm 37:29) Opoto Papa Karetarï 66 karetaʼmakon meroʼmaʼpo osetaka ïrïʼpïo moro. Opoto Papaʼwa 40 paʼme taʼro tïʼwa wèʼchonon kariʼniakonʼwa Tïkaretarï tïmeropo yèíʼpio ma. Yotapoijï weinio otoneinia paʼme karetaʼmakon Mosesʼwa tïmero yèíʼpio ma 3,500 siricho penaro yako. Ijomboromene yèʼchopo karetaʼme te, òʼwin amu wòrupïa Jesas nimiokïʼpombo Johnʼwa tïmero yèíʼpio ma 1,900 siricho penaro yako. Nòʼkï wònumingarï Opoto Papa Karetarï meroʼmanagonïmboʼwa tïmeroʼma na? Opoto Papaʼwa tïwònumingarï tupuʼpoʼmapo Tïkaretarï meronamonʼwa ma tïweinio wïtototo tïpïòriʼchòrï pato. (2 Samuel 23:2) Opoto Papa wònumingarï iʼyainie tïmeroʼma ma, oseke tïwònumingarïkon kapïn. Jehoba ro jòke, moro Tïkaretarï meroponenïmbo.​—Èrupïako 2 Timothy 3:16; 2 Peter 1:20, 21.

Opoto Papa Kareta yeinionomero yeijï kïsupusatomba, ijomboro kombaijo òtï weijïman paʼmero yeijï ekarishan. Amuro kariʼnia moro paʼme yeijï kapïn ma. (Joshua 23:14) Moʼko pòripiïn pane ròten Opoto Papa neroʼkon ipioro kariʼnia uwapo wèʼchotoman ekarishamba.​—Èrupïako Isaiah 42:9; 46:10.

Opoto Papa weiniono kareta me yeijï ke uwaro yato ma. Apïimie koʼpo Opoto Papa Karetarï tokainiepa yèíʼpio ma, apïimie pane ròten amukon meʼme ourananokon ta. Oronge ròrïpïo penaro pane ròten mieroʼpo seʼme, osepaʼme oʼto icharï ma moʼkaron nuse kareta uputïʼmanangonïmbo oʼto icharïkon maro, moʼkaron kapu maro nono poko uputïʼmanangonïmbo. Moʼkaron 40 mieroʼmanangonïmbo eropa, osepaʼme niïmieroʼmasan ma. Opoto Papa Karetarï weinio eropa kïsupuʼsaton tapokurume pane ròten kariʼnia enèrï iʼya, erombo ponaro juʼpïa naka kariʼniakon  emamïrï ʼpetakamapoan. Ènïkon poko ro, apïimie amukon Opoto Papa euran mero moro Charetarï amïʼchaton.​—Èrupïako 1 Thessalonians 2:13.

Opoto Papa Karetarï ero juʼpïn ouranano ekarishan ne, juʼpïn neròten kariʼniaʼwa niepopòrï weijï. Kariʼniaʼwa oronome poʼcho wèʼchopo ta tomamïrïmanombo utaʼkaʼpombopa ekarishan eropa, neiara amu poʼcho shèrï wèʼchopo weijïmamba eropa.​—Èrupïako Revelation 21:4, 5.

Opoto Papa Karetarï ta eropa ma òmenanokon poko oʼmatoʼkon meroʼmaʼpo, kurangon eropa wòmepatoʼkomba, koʼmatoʼkon eropa kopatomanamopa. Charetarï ta eropa meroʼmaʼpo ma neiara penaro yako kariʼniakon poko Opoto Papa wèíʼmiaʼpombo amukon meʼme òtïkon ta. Morokon poko ro nòʼkï watome yeijï uputïʼmarïpïa ma. Charetarï ro jòke, owepatomanopa uputïrï poko oʼwa. Neiara pianarïme oweijïpïa ekarishan.​—Èrupïako Psalm 19:7, 11; James 2:23; 4:8.

Ènï karetaʼme owepatomanopa oʼtone Opoto Papa Karetarï wïkarï uputïrï poko oʼwa neiara Jesasʼwa òmepaʼmapombo wekenarï ke. Opoto Papa Karetarï ta mieroʼmaʼpo ekarishan iʼyainie, ijombo oʼtone ichaʼpo me yeijï ekarishan eropa.​—Èrupïako Luke 24:27, 45.

Asiʼcho òtïkon owaʼnoʼponamon mandon, Opoto Papa weinionokon kurangon ourananokonʼwa owaʼnoʼpono paʼme. Sheʼme te, amukonïmbo tuwaroʼparo pioko mandon, amukonïmbo ereʼkoan maroro. Kïtoiyeʼcheʼkaʼmapoi te, morokonʼwa. Oronome owemamïrïpïa kombaijo mepoa Opoto Papa poko uputïrï poko oʼwa.​—Èrupïako John 17:3.