Ndebo mbuya dze kuti bathu ba nowo chilila chose mu shango dza ka kwagwa mu Baibili. (Pisalema 37:29) Baibili i na buka dzi li 66. Ndzimu wa ka shingisa balume ba no thembeka ba nga be 40 ku kwala buka idzedzi. Buka dze kutanga dzi li 5 dza ka kwagwa na Mozisi ku nga be makole a li 3,500 a ka pinda. Buka ye bupelo ya ka kwagwa na mpostolo Johani makole a no pinda 1,900 a ka pinda. Bathu ba ka kwala Baibili, ba ka be be kwala mikumbulo yani? Ndzimu wa ka be e lebesana ne bakwali ibaba e shingisa meya dzidze dza ka yengemala. (2 Samuele 23:2) Ba ka be ba si nga kwale mikumbulo yabo, ngono be kwala ye Ndzimu. Jehova ndiye Nkwali we Baibili.​—Bala 2 Timoti 3:16; 2 Pita 1:20, 21.

Lingilila vidiyo Who Is the Author of the Bible?

To ziba kuti Baibili i no dwa ku Ndzimu ne kuti i no leba malebeswa ne kwe chingwe ne chingwe chi nowo shingikala mu chibaka chi no zha. A kuna nthu u nga thama e jalo. (Joshua 23:14) Ndzimu we Masimbawose ndiye koga u nga lebela mbeli ne malebeswa zwi nowo shingikala.​—Bala Izaya 42:9; 46:10.

Ti nga themba kuti buka i no dwa ku Ndzimu i be i si nga fanane ne dzingwe, ngono ya ka jalo. Dzikhophi dze Baibili dzi li dzibillion dza ka andamisiwa ne ndimi dzi li njinji. Nenguba Baibili i li buka ya ntolo i no dumilana ne science. Kakale bakwali bayo ba li 40 ba ka be ba si nga nyanyayidzane. * Baibili i no leba ne kwe ludo gwe Ndzimu gu pa chena, kakale i na masimba e ku shandula machilo e bathu ku be butuka. Mabaka iyawa a no thama kuti dzimillion dze bathu dzi dume kwa ka pelela kuti Baibili i Dama le Ndzimu.​—Bala 1 Bathesalonika 2:13.

Lingilila vidiyo How Can We Be Sure the Bible Is True?

Baibili i no lebeleka kwazo ne ndebo mbuya dze kuti Ndzimu u na mazwimisilo e ludo mu bathu. Hwalo dzo chenesa se kwa nthu a ka lashikigwa ne fanilo ye ku chila mu paradaisi, ne se kwa shango i nowo thamiwa paradaisi kakale.​—Bala Zumbunulo 21:4, 5.

Dama le Ndzimu li na milayo, milayontewo, kakale lo kumbuludza. Pezhugwi kwa ikoko Baibili i no leba ne kwe ku shingidzana kwe Ndzimu ne bathu mu misi ya ntolo—mbiko i no lakidza buthu gwe Ndzimu. Ichecho cho lakidza kuti Baibili i nga ku batsha ku ziba Ndzimu. I no chenesa se kwa u nga be nkhwinya uwe.​—Bala Pisalema 19:7, 11; Jakuba 2:23; 4:8.

Burouchara igogu gowo ku batsha ku hwisisa Baibili ne ku shingisa zila ya ka be e shingisiwa ndi Jesu. Wa ka be e bala ndimana ku dwa mu dzingwe, e be e chenesa “kuti ba hwisise hwalo.”​—Bala Luka 24:27, 45.

I zwithu zwi shomanana koga zwi no shathisa se ndebo mbuya dzi no dwa ku Ndzimu. Ne kwa ka jalo, bangwe ha ba na ndaba nadzo kakale bangwe dzo ba nyadza. U si nyale moyo. Ku ziba Ndzimu kuko ndiko ku nga thama kuti u bone buchilo gu si nga pele.​—Bala Johani 17:3.