Djong mekeul ne boud bey beu ne tsig a melou mez wa chi mi tsilia Bible de. (O Sam 37:29) Bible dji ne o kalad 66. Zembe gna balane ne boud o bougue 40 tsilele Bible. Moise o gna tsile o kalad o toone wa chouchouogou ya me sa djie beu mi mbou 3 500. Apostel Jan o gna tsile kalad a me chinai I me tsong mi mbou 1 900. Boud ba tsile Bible ba wa mi tadga mi ze? Zembe gna yeu bouo mi tadga miey ne nkeingnkeing chichim ye. (Samuel 2 23:2) Ba tsile mi tadga mi Zembe, kou beu miang. Gouo Johova dji Mbouendai a Bible.​—Longue Timothee 2 3:16; Pierre 2 1:20, 21.

Seu me mpou ne Bible ngue wou o Zembe ne tsie a ngue djiaw ne kadle I sa ye wouose melou me zag ma. Kou ne moud nkoul sa nteini. (Josue 23:14) Ndji Zembe a nkoul gniez o dji ne nkoul djiaw ne kadle I sa ye wouosse melou me zag ma.​—Longue Izai 42:9; 46:10.

Kalad me wou o Zembe me djalane beu ye mbi, Bible dji ndo. Ba me kawoula mi nteud mi o togchine o Bible mi nteud mi lezou de. Tog vale a dji tsoutsoul kalad, Bible dji tsing ne mi ndjigla mi o yimai. Gouo, I tsougai ne mechouane mpadga boud 40 ba tsile Bible. * Goul komb de, Bible dji ndeum a tsieli me Zembe, a dji neme ne nkoul me sa ne boud beu tsiendegue, beu deugueg megnoua I tsig biang de. Ya me sa ne mi nteud mi o togchine o boud beu beug ne afidi ne Bible dji kalad me Zembe.​—Longue Thessalonicien 1 2:13.

Bible dji ne djong mekeul me louo ne Zembe dji ne djong mi teiguia mia tsieli chou boud. Bible ngue mpou feile vale djong tsig a paradis ya djimb metedele me moud chi de, ne vale Zembe gne gningue teule paradis wongue.​—Longue Mi Ndeiguia mi Jan 21:4, 5.

Kalad Zembe djisse ne me mpeunde, me tsien, ne me tsoung. Neme, a ngue teigne ilade Zembe gna beu ne bolga boud—mi lang mi ngue djiaw vale moud Zembe djisse. Bible nkoul kouind bi mpoule Zembe. A louo bi vale bi nkoul beu o chouo o Zembe.​—Longue O Sam 19:7, 11; Jak 2:23; 4:8.

Kalad ega gne kouind wo mpoule Bible, nwale youg ne vale Yessous gna de sa yi. Gna de nwa I foussou ya Bible ngoud ngoud a ka mpou feile sa I ngue tsi.”​—Longue Lukas 24:27, 45.

Tog sa tsougai gnouale nda mekeul me wou o Zembe. Veda, chou bolga boud ya tsiyai bouo nkoumba sa, chou bolga bang I ntagle bouo. Kouga miasse me gnoul. Ndji djiglile mpoule Zembe o I nkoul ba yeu bi tsig a melou mez.​—Longue Jan 17:3.