Meeoibana prithibida lomba naidana hinggani haiba nungaiba pao asi Bibleda iduna lei. (Thagat ishei 37:29) Bible asi apikpa lairik 66 na punsillaga sembani. Ishworna haiba inba meeoi 40 rom sijinnaduna lairiksingsi ihankhi. Ahanbagi lairik manga asidi ngasidagi chahi 3,500 romgi mamangda Mousina ikhibani. Aroibagi lairik asina ngasidagi chahi 1,900 romgi mamangda pakhonchatpa Johanna ikhibani. Bible ibasingna iramlibasi kanagi wakhallonno? Ishworna Bible ibasingda ihanninglibasingdu mahakki asengba shaktigi matengna khanghallammi. (2 Samuel 23:2) Makhoina iramlibadu Ishworgi wakhallonni, makhoi masagi wakhallon natte. Maram asina Biblegi Ayibadi Jehovahni.​—2 Timothy 3:16; 2 Peter 1:20, 21 pabiyu.

Biblegi Ayiba kanano? haiba video asi yengbiyu.

Biblena tungda thokkadaba thoudoksing chap chana mangjounana haidoklammi. Meeoiba amattana madu haiba ngamde. Maram aduna Bible asi Ishwordagini haiba eikhoina khang-ee. (Joshua 23:14) Ingam ngamba Ishwor mahak khaktana meeoibagi tunggi maramda chap chana uba ngammi.​— Jishaiya 42:9; 46:10 pabiyu.

Ishwordagi lakpa lairik haibasidi top-toppa oigadabani haina eikhoina khalli, Biblesi adumak oi. Biblesi lakh kaya kaya, tongan-tonganba lon kayada phanghankhre. Bible asi ariba lairik oirabasu masida iramlibasingsi bigyangi mityengdagi achumba oi. Aduga Bible iba makhoi 40 gi maraktasu yetnaba wapham amatta leikhide. * Adugisu mathakta, Bibleda nungsibagi maramda hairiba wapham kayasi Ishwor nattana kanamattana haiba ngamloi. Masina ngasisu meeoi kayagi punsi aphaba maikeida purakpa ngambagi shakti lei. Hairiba maram kayasina meeoi lakh kayabu Bible asi Ishworgi waheini haiba thajaba ngamhalli.​—1 Thessalonikiya 2:13 pabiyu.

Bibleda iribasi achumbani haiba eikhoina karamna khanggani? haiba video asi yengbiyu.

Biblena maruoina hairibadi Ishworna meeoiba jatigidamak aphaba pandam ama thambiri haibagi nungaiba pao asini. Meeoibana hourakpa ngallingei matamda paradiseta leibagi khudongchabadu karamna mangkhibage haibadu Biblena tak-ee. Adugumba paradise adu karamna amuk hanjilhangani haibadusu masina takli.​—Phongdokpiba 21:4, 5 pabiyu.

Ishworgi wahei asida wayel yathang, niyam amasung paotak kayasu yao-ee. Adugisu mathakta, Bibleda Ishworna meeoibasingbu karamna loinabige haibagi matang kayasu yaori. Masidagi eikhoina mahaksi karamba makhalgi Ishworno haiba khangba ngammi. Asumna eikhoina Ishwor khangnaba hotnabada Biblena mateng panggani. Ishworga karamna marup oiba yagani haibasu masina tak-ee.​—Thagat ishei 19:7, 11; Jacob 2:23; 4:8 pabiyu.

Biblebu mayek sengna khanghanbada lairik macha asina adomgi mateng panggani. Jishuna takpiba matamda Biblegi waheising mathang mathang puthoktuna ‘Sastrasinggi wahanthok’ khanghallammi. Mahakna tambirambagi mawong adumak lairik macha asida sijinnari.​— Luke 24:27, 45 pabiyu.

Ishwordagi lakpa nungaiba pao asidagi henba atoppa amatta leite. Adubu meeoi kharanadi masi thouwoide, aduga kharana amuk pao asi tabada saoningbasu yao-ee. Adubu pukning hanthabiganu. Adomna Ishworgi maramda khangbaduna lomba naidana hingbagi asha phanggani.​—Johan 17:3 pabiyu.