Pi̧jä̧nä̧ ’cuäopönätä tö̧ja̧cuä̧cuȩ adihuä huȩnȩmä̧ Dios I̧huȩnȩ Isä’tänä jiähua’a (Mateo 5:5). Pi’tämä, 66nö cuyäru o’tä ja̧’a̧nä̧ ji̧nä̧ yi’tätetä päi’önä jȩä̧cuä̧hua̧’a̧, ja̧’hua̧ta̧nö̧ Dios ȩmi̧nö̧ 40nö huotörö Churutä esetätörö pi̧yȩ Chutä I̧huȩnȩ tti̧huȩyu̧ta̧ pä’ö. Äcuomenäji 5nö o’tä huȩyu̧ti̧nö̧mä̧ Moisés ji̧na̧’a̧do, i̧huȩyu̧ti̧na̧’a̧ttö̧mä̧ tres mil quinientos a̧’ȩ ’cuäopina’a. Ja̧’hua̧ta̧nö̧ röji cuyäru’tä huȩyu̧ti̧nö̧mä̧ apóstol Juan ji̧na̧’a̧do, i̧huȩyu̧ti̧na̧’a̧ttö̧mä̧ mil novecientos a̧’ȩ ’cuäopina’a. Dios I̧huȩnȩ Isä’tänä ka̧cu̧mä̧ Dios amöcuädötä ja̧’a̧. Ja̧u̧mä̧ ucuocuinö espíritu santonä I̧huȩnȩ Isä’tä huȩyu̧tä̧tö̧rö̧ (Hechos 28:25). Pitö u̧mä̧tö̧mä̧ Dios amöcuädötä huȩyu̧ti̧nä̧tö̧, jitötä ttamöcuädömä̧cö̧. Ja̧’hua̧nö̧ ja̧’a̧ttö̧ pi’tä huȩyu̧cuä̧ u̧ru̧hua̧mä̧ Jeohuatä ja̧’a̧. 2 Timoteo 3:16; 2 Pedro 1:20, 21 ucuocui.

Huo̧juä̧tö̧jä̧ Dios I̧huȩnȩ Isä’tämä Chutättötä icha’a, ’cuäopäcua’a ä’canä o’ca juiyönä ’cuäopä̧cuȩ’i̧nä̧ jiähua’attö, ya̧tȩ ttö̧ja̧sa̧’i̧nä̧ pi̧yȩ jiäu’a̧nö̧ ucuocumä toa’a (Mateo 27:9, 10). O’ca juiyö Ju̧ru̧hua̧mä̧ Diostä ja̧’a̧ pi̧yȩ jȩö̧’a̧nö̧ hua̧mä̧. Tito 1:2, 3 ucuocui.

Pi’tä Diosttö icha’attömä, rö̧ȩnä̧ adihuä juäi i’cächa’a. 2000 millones jo̧mȩnä̧ abonänö iyätö Dios I̧huȩnȩ o’tämä, 450 jo̧mȩnä̧ tti̧huȩnȩ pö̧nä̧ abonänö iyätö. Täbosä’tä ja̧’a̧nä̧, ttö̧ja̧ pi̧jä̧ rȩjȩnä̧ ka̧cu̧ jähuä jitä mo̧ro̧ cuyäru rö̧ȩnä̧ ttu̧huo̧ju̧’i̧nä̧, mo täbocötä kä̧mä̧dö̧ huȩyu̧tu̧ rötähuina’a. Pi’tä 40nö huotö huȩyu̧ti̧nä̧tö̧mä̧, ji̧yȩtȩ jähuätä huȩyu̧ti̧nä̧tö̧do. * Pi’tä cuyäru’tänämä, kä̧mä̧do̧mȩttö̧ kä̧mä̧dö̧ cädome jubö Dios repeö ötö’cö jähuä jiähua’a, jitä pä̧nä̧’i̧nä̧ pi’tämä ujuru ku̧nä̧ra̧’a̧ ttö̧ja̧ tta̧’cua̧rö̧ pärotö icua pä’ö, eseunu ttö̧ja̧ pä’o. Ja̧’hua̧nö̧ ja̧’a̧ttö̧ recuätö ttö̧ja̧ esetätö pi’tämä iso päi’önä Diosttö icha’a pä’ö. 1 Tesalonicenses 2:13 ucuocui.

Dios I̧huȩnȩ Isä’tämä jiähua’a Dios ttö̧ja̧rö̧ rö̧ȩnä̧ adihuä juäi jȩä̧cuȩ ötö’cö jähuä. Ucuocua’a äcuomenä ttö̧ja̧ i̧sa̧rö̧ pätta adihuä juäi ka̧cuo̧mȩttö̧ Dios rä’epö icuinö huȩnȩ, ja̧’hua̧ta̧nö̧ ä’coji ji̧nö̧ ta’anö jȩä̧cuȩ huȩnȩ’i̧nä̧ jiähua’a. Apocalipsis 21:4, 5 ucuocui.

Dios I̧huȩnȩ Isä’tänä hueähuä huȩnȩ’i̧nä̧, tä̧bo̧cuä̧ huȩnȩ’i̧nä̧ ka̧’a̧, eseunu tö̧jö̧nä̧ ppädö’a̧nö̧ jö̧. Ja̧’hua̧ta̧nö̧ pi’tänä jiähua’a Jeohua jȩi̧nö̧ ttö̧ja̧ adiunä jȩpi̧nä̧tö̧rö̧’i̧nä̧, suronä jȩpi̧nä̧tö̧rö̧’i̧nä̧, pi̧yȩnä̧ topätöjä Diosmä adihuä i̧sa̧ ja̧’a̧ pä’ö. Ja̧’hua̧nö̧ ja̧’a̧ttö̧ pi’tämä ppädä̧u̧jä̧ tu̧huo̧jua̧rö̧ pä’ö, Chutä ahuaruhuä päti’a pä’ö’inä huo̧juȩta̧’a̧. Romanos 15:4; Santiago 2:23; 4:8 ucuocui.

Pi’tä cuyäru’tä cu̧mö̧nä̧ ’chu̧cu̧huä̧rä̧’tämä Jesús u̧huo̧juȩti̧nö̧ ta’anö huo̧juȩta̧’a̧. Pidemä Dios I̧huȩnȩ Isä’tättö ȩmö̧ ji’äu huo̧juȩti̧nö̧, ja̧’hua̧ta̧nö̧ pi’tä ucuru ppädäcua’a Dios I̧huȩnȩ Isä’tänä päö adiu cu̧huo̧juä̧chi̧’a̧ pä’ö. Lucas 24:27, 45 ucuocui.

Diosmä adihuä huȩnȩ ku̧nä̧rö̧ eseunu tta̧tä̧ra̧ pä’ö, iso päi’önä ujutumä huo̧juä̧tö̧jä̧ pi̧yȩ ötö’cö jähuä cu̧huo̧jui̧’a̧ pä’ö pä̧huä̧ rö̧jä̧cu̧jä̧. Ja̧’hua̧nö̧ ja̧’a̧nä̧, yotöcunä ttö̧ja̧mä̧ kö’cocotö pi̧yȩ adihuä huȩnȩ, korotömä jahuätörö pi̧yȩ adihuä huȩnȩ jittähuomenä ra̧huä̧rä̧tö̧. Ja̧’hua̧nö̧ ja̧’a̧nä̧, pi̧yȩ topömä ji̧’qui̧cha̧nö̧’i̧nä̧ cuijuiyuhuächi’ä’. Dios I̧huȩnȩ Isä’tä päömä Dios ötö’cö jähuä huo̧jui̧pä̧tö̧mä̧ kä̧cuä̧huä̧ i’co ttu̧ju̧nä̧rä̧cuo̧tö̧ päa’a. Juan 17:3 ucuocui.